Ish-ministrja e Financave dhe nënkryetarja e LDK-së, Hykmete Bajrami, i ka reaguar ministrit Hekuran Murati, pasi ky i fundit ka thënë se gjatë vitit 2023 janë punësuar 10 mijë gra e vajza.

Ndërkaq, deputetja Bajrami ka thënë se të dhënat e Trustit flasin për vetëm 4 mijë e 983 kontribuues më shumë gjatë viti 2023 dhe thotë se edhe përkundër faktit që është festë “e pavërteta” e ministrit Murati nuk kalon, sipas saj.

“Ministri sot paska vendosur t’i uroj gratë në ditën ndërkombëtare të tyre me një të pavërtetë të madhe. Ky po thotë se numri i grave të punësuara qenka rritë ndër vite, ndonse nuk e jepë asnjë referencë se ku i merr të dhënat”, ka shkruar deputetja Bajrami në rrjetin social Facebook.

“Janë dy gjëra këtu që duhet të sqarohen: edhe sikur ta pranonim grafin e Hekuranit si të mirëqenë aty shihet se punësimi me i madh i grave dhe vajzave paska ndodhur në kohë të pandemisë, rreth 12 mijë, dhe prej atëherë ku punësim është për rreth 20% më i ulët (në krahasim me vitin 2020), por këto të dhëna i demanton Trusti, në një përgjigje dhënë Komisionit Parlamentar për Buxhet, Financa, Punë dhe Transfere, i cili kur pyetet për numrin e kontribuesve në Trust na jepë këto shifra: dhjetor të vitit 2022 në Trust ka pasur 333,351 kontribues, ndërsa nëntor të vitit 2023 në Trust ka pasë 338,334 kontribues”, ka sqaruar ajo.

Nga kjo shihet qartë se numri i kontribuesve në Trust për 11 muaj të vitit 2023 është rritë vetëm për 4 983 e Hekurani po thotë 10 mijë gra janë punësuar në vitin 2023. E pavërtetë!

“Shihni dokumentin e Trustit, dërguar 11 anëtarëve të Komisionit Parlamentar për Buxhet Financa, Punë dhe Transfere. Nga ministri i cili mban që dy vjet pa mandat drejtorin e Administratë Tatimore nuk pritet me punësu askënd aq me pak me bë politika për punësim të grave”, ka shkruar ajo.