Bllokimi i KQZ-së nga Presidenti, Kuvendi nesër me seancë të jashtëzakonshme

Deputetët do të mblidhen edhe të mërkurën për të mbajtur seancë të jashtëzakonshme, por këtë here për të diskutuar për gjendjen në të cilën gjendet Komisioni Qendror i Zgjedhjeve.


Zyra për media dhe marrëdhënie me publikun e Kuvendit njofton se seanca do të nisë në ora 10:00, me pikë të vetme të rendit të ditës “debat parlamentar në lidhje me bllokimin e Komisionit Qendror të Zgjedhjeve nga Presidenti”.

Është opozita kosovare, konkrtisht LDK dhe Vetëvendosje që po e akuzojnë presidentin Thaçi se po synon ta shkatërrojë KQZ-në, trasnmeton Reporteri.net.

Presidenti Thaçi mbi 1 vit që kur janë mbajtur zgjedhjet parlamentare e ka lënë pa mandat KQZ-në, pasi vendosi të kërkojë interpretim ligjor në Gjykatën Kushtetues të Kosovës, se si të ndahej hisja e subjekteve politike në KQZ.

LDK e VV kanë kërkuar nga Thaçi që t’i emërojnë nga dy anëtarë, emrat e të cilëve tashmë janë në zyrën e tij, ndërsa kreu i shtetit kërkon që këto parti të kenë vetëm nga një anëtar. /Reporteri.net/.