Policia norvegjeze ka arrestuar një 17-vjeçar, pasi dyshohet se po planifikonte një sulm me eksploziv ndaj objekteve të NATO-s në jugperëndim të vendit, raportoi televizioni shtetëror NRK.

Sipas raportimeve, adoleshenti, i lindur dhe rritur në Norvegji, ishte parë në shkollë me një flamur të Shtetit Islamik.

I riu u la në paraburgim për dy javë. Ai i ka mohuar akuzat kundër tij, tha për AFP avokati i tij Lnut Lerum.

Arrestimi u krye nga shërbimet e sigurisë së brendshme PST, të cilat janë përgjegjëse për çështjet e kundërterrorizmit.

Sipas dokumenteve të cituara nga NRK, adoleshenti kishte planifikuar një sulm me eksploziv në Qendrën e Përbashkët të Luftës së NATO-s (JWC) në Jäten, Stavanger, në Norvegjinë jugperëndimore.

Autoritetet e sigurisë nuk kanë dhënë ende një koment zyrtar lidhur me rastin.