Zëdhënësi i Gardës Revolucionare paramilitare të Iranit tha sot se Teherani ende po ndërton raketa, duke u përpjekur të kundërshtojë pretendimin e kryeministrit izraelit, Benjamin Netanyahu se Irani nuk mund të prodhojë më raketa.

Gjenerali Ali Mohammad Naeini bëri këto komente në një raport të cituar nga gazeta shtetërore iraniane IRAN, raporton The Guardian.

Duke iu referuar sistemit të vlerësimit në shkollat iraniane, ku 20 konsiderohet nota perfekte, ai tha:

“Nota e industrisë sonë të raketave është 20 dhe nuk ka asnjë shqetësim në këtë drejtim sepse ne po prodhojmë raketa edhe gjatë kushteve lufte, gjë që është e mahnitshme, dhe nuk ka problem të veçantë për akumulimin e tyre.”

Ai gjithashtu tha se lufta do të vazhdojë.

“Këta njerëz presin që lufta të vazhdojë deri sa armiku të jetë plotësisht i lodhur,” tha gjenerali për publikun iranian. “Kjo luftë duhet të përfundojë kur hija e luftës të hiqet nga vendi”, citohet të ketë thënë ai. /Reporteri.net/