Sekretari amerikan i Mbrojtjes, Pete Hegseth, ka lëshuar një deklaratë të radhës në platformën X.

“Nëse vrisni amerikanë, nëse i kërcënoni amerikanët kudo në botë, ne do t’ju gjejmë pa kërkuar falje dhe pa hezitim, dhe do t’ju vrasim”, citohet të ketë thënë ai në një postim të bërë nga United States Central Command në X.

Një video-klip 21-sekondësh që shoqëronte këtë deklaratë shfaqte një seri pamjesh të “paklasifikuara”, ku duken automjete dhe struktura duke u bombarduar dhe shkatërruar nga forcat amerikane.

"If you kill Americans, if you threaten Americans anywhere on earth, we will hunt you down without apology and without hesitation and we will kill you." – Secretary of War Pete Hegseth pic.twitter.com/l0jkXxI74y

— U.S. Central Command (@CENTCOM) March 8, 2026

Në anën tjetër, Donald Trump ka “shprehur privatisht interes serioz” për dërgimin e trupave tokësore amerikane.

Ai e ka diskutuar këtë mundësi me këshilltarët dhe me zyrtarët republikanë jashtë Shtëpisë së Bardhë, ndërsa ka paraqitur edhe vizionin e tij për një Iran pas përfundimit të konfliktit.

/Reporteri.net/