Një situatë dramatike brenda Zyrës Ovale në Shtëpinë e Bardhë është kthyer papritur në materialin më viral në rrjetet sociale, por për një arsye krejtësisht të pazakontë që askush nuk e priste.

Gjatë një konference live ku Presidenti Donald Trump po prezantonte një marrëveshje me ekzekutivët e kompanive farmaceutike, njëri prej zyrtarëve të pranishëm humbi ndjenjat dhe u rrëzua përtokë. Megjithatë, vëmendjen e përdoruesve të internetit e ka “vjedhur” një detaj tjetër: kërthiza dhe barku i zbuluar i zyrtarit, i cili doli në pah teksa personat përreth po nxitonin t’i jepnin ndihmën e parë.

Detaji që “pushtoi” rrjetin dhe la në hije Trumpin

Në momentin e rrëzimit, zyrtarët e kabinetit – përfshirë Dr. Mehmet Oz dhe Robert F. Kennedy Jr. – ndërhyen menjëherë për ta ndihmuar burrin, duke ia ngritur këmbët lart dhe duke i zbërthyer këmishën për t’i lehtësuar frymëmarrjen. Kjo skenë bëri që kërthiza e zyrtarit të shfaqej direkt para kamerave që po transmetonin live nga Shtëpia e Bardhë.

Brenda pak minutave, platformat si X (ish-Twitter) dhe TikTok u vërshuan nga postimet dhe memet, duke e kthyer këtë detaj në kryefjalën e ngjarjes dhe duke lënë në hije vetë njoftimin e rëndësishëm të Trumpit.

“Vetëm në epokën e Trumpit mund të ndodhë që njoftimi i një marrëveshjeje miliardere të mbytet nga kërthiza e një zyrtari live në Zyrën Ovale,” shkroi një përdorues në X.

Ndërhyrja e shpejtë dhe reagimi i Trump

Përtej humorit në rrjet, situata fillimisht shkaktoi panik të madh. Dr. Oz u vlerësua për reagimin e tij të shpejtë mjekësor, duke parandaluar që zyrtari të pësonte lëndime në kokë nga rënia. Gazetarët u nxorën menjëherë jashtë dhomës nga shërbimi sekret, ndërsa konferenca u ndërpre për rreth 30 minuta.

Kur u rikthye para gazetarëve, Trump u mundua të qetësonte situatën:

“Njërit prej përfaqësuesve i ra pakëz të fikët, por tani është mirë.”

Presidenti shtoi se gjithçka është në rregull dhe se zyrtari po merr kujdesin e duhur mjekësor.

Pavarësisht se Shtëpia e Bardhë konfirmoi më vonë se gjendja e zyrtarit është e stabilizuar, përdoruesit e rrjeteve sociale po vazhdojnë të shpërndajnë pamjet, duke e cilësuar si një nga momentet më “surreale” të transmetuara ndonjëherë nga Shtëpia e Bardhë.

Reporter: Are you attending your son’s wedding?

Trump: He’d like me to go. I’m going to try. I said, this is not good timing for me. I have a thing called Iran and other things. He’s a person I’ve known for a long time. pic.twitter.com/lGdjvU7oD0

— Acyn (@Acyn) May 21, 2026