Papa Leo XIV u ka bërë një thirrje të drejtpërdrejtë gazetarëve që mbulojnë konfliktet ndërkombëtare, duke paralajmëruar për rreziqet e asaj që ai e quajti “propagandë”, përcjell Reporteri.net.

Ai ka thënë se është detyra e çdo gazetari të verifikojë lajmet, në mënyrë që të mos bëhet megafon i pushtetit.

“Në rrethanat dramatike të luftës, informacioni duhet të ruhet nga rreziku që të kthehet në propagandë. Është detyra e çdo gazetari të verifikojë lajmet, në mënyrë që të mos bëhet një megafon i pushtetit. Ata duhet të tregojnë vuajtjet që lufta gjithmonë u sjell popullatave, që do të thotë të tregojnë fytyrën e luftës dhe ta rrëfejnë atë përmes syve të viktimave”, ka shkruar Papa në platformën “x”.

Reklamë

Ndryshe, ditët e fundit, presidenti amerikan, Donald Trump dhe sekretari i Mbrojtjes Pete Hegseth kanë kritikuar mbulimin mediatik amerikan të konfliktit SHBA-Izrael me Iranin./Reporteri.net