Ish-ministri i Energjisë i Ukrainës, German Galushchenko, është ndaluar nga autoritetet ukrainase teksa po përpiqej të largohej nga vendi me tren.

Lajmi u konfirmua nga Byroja Kombëtare Kundër Korrupsionit e Ukrainës. Galushchenko u largua nga posti vitin e kaluar pasi u përfshi në një skandal korrupsioni, ku disa zyrtarë qeveritarë dyshohen për përvetësimin e rreth 100 milionë dollarëve.

Ai kishte shërbyer për tre vjet si ministër i Energjisë dhe, për një periudhë të shkurtër, edhe si ministër i Drejtësisë, përpara se t’i kërkohej dorëheqja.

Skandali ka shtuar presionin ndaj administratës së presidentit Volodymyr Zelensky, pasi situata ka nxitur thirrje ndërkombëtare, veçanërisht nga Shtetet e Bashkuara të Amerikës, për mbajtjen e zgjedhjeve, të cilat janë pezulluar që nga fillimi i luftës në vitin 2022 për shkak të gjendjes së jashtëzakonshme.

Edhe pasardhësja e tij, Svitlana Hrynchuk, dha dorëheqjen pasi u përfshi në të njëjtin skandal.