Kryeministri kroat, Keir Starmer ka kërkuar falje për emërimin e Peter Mandelsonit si ambasador të SHBA-së dhe duke u bërë thirrje deputetëve të tij që të bashkohen pas tij.

Kryeministri mbajti të mërkurën një fjalim të gjatë për kohezionin e komuniteteve, por u përball me një breshëri pyetjesh për udhëheqjen e tij pas një prej ditëve më të trazuara që nga hyrja në Downing Street.

Kryeministri britanik këmbënguli se i kuptonte shqetësimet e deputetëve dhe  u kërkoi falje viktimave të Jeffrey Epstein.

Starmer tha se i vjen keq për emërimin e Mandelsonit në Washington, duke pasur parasysh marrëdhënien e tij me financierin dhe abuzuesin seksual të fëmijëve, për të cilin tha se anëtari i Dhomës së Lordëve nga radhët e Laburistëve kishte gënjyer vazhdimisht.

“Viktimat e Epstein kanë jetuar me trauma që shumica prej nesh mezi mund t’i imagjinojë dhe janë detyruar t’i përjetojnë ato sërish e sërish. Ato kanë parë llogaridhënien të vonohet dhe shumë shpesh t’u mohohet.

Dua ta them këtë. Më vjen keq – më vjen keq për atë që ju është bërë, më vjen keq që kaq shumë njerëz me pushtet dështuan, më vjen keq që kam besuar gënjeshtrat e Mandelsonit dhe që e kam emëruar, dhe më vjen keq që edhe tani jeni të detyruar ta shihni këtë histori të shpaloset sërish publikisht.”

Peter Mandelson u emërua ambasador britanik në SHBA në shkurt të vitit të kaluar. /Reporteri.net/