Tel Avivi ishte plot me protestues mbrëmë, ndërsa izraelitët prisnin lajme për një marrëveshje të mundshme armëpushimi dhe shkëmbimi pengjesh, e ndërmjetësuar nga Shtetet e Bashkuara.

Sipas Forumit të Familjeve të Pengjeve dhe të Zhdukurve, rreth 120,000 njerëz morën pjesë në tubim.

Në Sheshin e Pengjeve, protestuesit shpalosën një banderolë të madhe të zezë, me shiritin e verdhë përkujtimor të pengjeve, ku shkruhej me gërma të bardha dhe të kuqe: “Tani ose kurrë.”

“Gjatë këtyre ditëve të veçanta — menjëherë pas Rosh Hashanah dhe Yom Kippur — unë zgjedh shpresën,” tha Ayelet Goldin, motra e Hadarit, i cili u vra duke luftuar në Gaza në vitin 2014 dhe trupi i tij ende mbahet nga Hamasi.

“Atyre që janë në pushtet u bëj thirrje nga këtu — veproni! Ky është momenti juaj! Ne po bërtasim dhe dalim në rrugë për t’ju mbështetur që të bëni gjënë e duhur.”

/CNN/Reporteri.net/