Presidenti amerikan, Donald Trump, i ka konsideruar përpjekjet për të rihapur Ngushticën e Hormuzit si një provë për aleatët e NATO-s.

Presidenti thotë se Shtetet e Bashkuara nuk kanë domosdoshmërisht nevojë për ndihmë për të siguruar këtë rrugë të rëndësishme të transportit, por nënkupton se do të ishte interesante të shihej se cilat vende “ngrihen përballë sfidës”, raporton BBC, përcjell Reporteri.net.

Vetë detyra është e rëndësishme: Ngushtica e Hormuzit është një nga nyjet më të rëndësishme energjetike në botë, përmes së cilës kalon një pjesë e madhe e furnizimeve globale me naftë.

Kur gjatë një konference për media në Shtëpinë e Bardhë u pyet se cilat vende kishin refuzuar të ndihmonin, Trump nuk pranoi t’i emëronte ato.

Në vend të kësaj, ai bëri shaka duke vlerësuar performancën e liderëve, duke thënë se “në një shkallë nga zero deri në dhjetë” presidenti francez Emmanuel Macron ishte “tetë – jo perfekt, por është Franca”.

Trump gjithashtu theksoi se SHBA merr vetëm një pjesë të vogël të naftës së saj përmes Ngushticës së Hormuzit, duke përmendur vende të tjera si Japonia, e cila varet nga Lindja e Mesme për rreth 95% të importeve të saj të naftës./Reporteri.net