Presidenti i SHBA-së, Donald Trump, ka thënë se nëse do të varej prej tij, SHBA-të do të merrnin naftën iraniane në mes të një lufte që ka vazhduar prej pesë javësh.

“Po e shkatërrojmë atë vend. Dhe e urrej ta bëj, por po e shkatërrojmë, dhe ata thjesht nuk duan të thonë ‘mjaft’. Nuk duan ta pranojnë humbjen, por do ta pranojnë. Nëse nuk e bëjnë, nuk do të kenë ura, nuk do të kenë termocentrale, nuk do të kenë asgjë”, tha Trump.

“Fatkeqësisht, populli amerikan dëshiron që ne të kthehemi në shtëpi.” Ai shtoi se ka mundësi më të këqija sesa sulmi ndaj infrastrukturës.

“Nuk do të shkoj më tej sepse ka gjëra më të këqija se kaq. Dhe nëse më pyetni se çfarë do të bëja – do ta merrja naftën. Është aty, thjesht duhet të merret. Nuk kam çfarë të bëj për këtë. Fatkeqësisht, populli amerikan do që ne të shkojmë në shtëpi. Nëse do të varej nga unë, do ta merrja naftën, do ta mbaja dhe do të fitonim shumë para”, tha ai.

Trump on Iran: "If I had my choice, I'd like to take the oil. Because it's there for the taking. There's not a thing they can do about it. Unfortunately, the American people would like to see us come home. If it were up to me I'd take the oil, I'd keep the oil, and would make… pic.twitter.com/GEubyykK1K

— Aaron Rupar (@atrupar) April 6, 2026

Lufta midis SHBA-së, Izraelit dhe Iranit filloi në fund të shkurtit pas sulmeve ajrore të përbashkëta SHBA-Izrael ndaj objektivave iraniane, duke përfshirë objektet ushtarake dhe bërthamore, sipas raportimeve të Reuters dhe AP në ditët e fundit.

Që atëherë, Irani është hakmarrë me raketa dhe dronë, dhe konflikti është përhapur në disa vende të rajonit, përfshirë Libanin, Izraelin dhe shtetet e Gjirit Persik.

Trump ka kërcënuar me sulme në infrastrukturë për ditë të tëra

Trump ka kërcënuar prej ditësh se nëse Irani nuk e hap Ngushticën e Hormuzit, ai do të urdhërojë sulme ndaj infrastrukturës kyçe, siç janë termocentralet dhe urat, duke shkaktuar paralajmërime nga ekspertët për një shkelje të mundshme të së drejtës ndërkombëtare.

Sipas Reuters dhe AFP, sulmet tashmë e kanë goditur rëndë infrastrukturën energjetike dhe industriale të Iranit, ndërsa përpjekjet diplomatike për të arritur një armëpushim deri më tani nuk kanë dhënë rezultate konkrete./Reporteri.net/