Në komentet e tij të para zyrtare pas sulmeve amerikano-izraelite ndaj Iranit dhe hakmarrjes iraniane, Presidenti i Rusisë, Vladimir Putin, e ka cilësuar vrasjen e udhëheqësit suprem të Iranit si një “vrasje cinike,” raportoi agjencia shtetërore ruse TASS.

Sipas TASS, Putin e përshkroi vdekjen e Ali Khamenei si një krim që shkel “të gjitha normat e moralit njerëzor dhe të drejtës ndërkombëtare.”

Ai tha se Khamenei do të mbahet mend në Rusi si një “udhëheqës i shquar”.

Moskva dhe Teherani kanë qenë aleatë të ngushtë prej kohësh, me Iranin që ka ofruar mbështetje ushtarake për Rusinë, përfshirë dronë dhe raketa balistike, dhe ka ndihmuar Moskën në ndërtimin e një fabrike për prodhimin e dronëve, gjatë luftës së saj në Ukrainë.

Kjo vjen pas që Ministria e Jashtme e Rusisë dje dënoi sulmet amerikano-izraelite ndaj Iranit, duke i cilësuar ato si “hap të papërgjegjshëm” dhe një “akt të paprovokuar të agresionit të armatosur.”

/Reporteri.net/