Saif al-Islam Gaddafi, djali i ish-udhëheqësit të Libisë, kolonelit Muammar Gaddafi, raportohet se është vrarë, raporton BBC, përcjell Reporteri.net.

Vdekjen e 53-vjeçarit, i cili dikur shihej gjerësisht si trashëgimtari i mundshëm i babait të tij, e raportoi të martën kreu i ekipit të tij politik, sipas Agjencisë së Lajmeve të Libisë.

Motra e tij i tha televizionit libian se ai kishte vdekur pranë kufirit të vendit me Algjerinë, pa konfirmuar mënyrën e vdekjes.

Ende nuk dihet se si ka ndodhur vdekja e tij, ndërsa raportime të ndryshme qarkullojnë në mediat libiane.

Ai ishte konsideruar si figura më me ndikim dhe më e frikshme në vend pas babait të tij, i cili udhëhoqi Libinë nga viti 1969 deri në rrëzimin dhe vrasjen e tij gjatë një kryengritjeje në vitin 2011.

Gjykata Ndërkombëtare Penale donte ta nxirrte atë në gjyq për krime kundër njerëzimit për rolin e tij në shtypjen e protestave të opozitës në vitin 2011./Reporteri.net