Me gjysmë ore me vonesë, ka nisur takimi mes Kryeministrit Albin Kurti dhe Kryetarit të LDK-së, Lumir Abdixhiku.
Me të arritur në Kuvend, Kurti tha se do të deklarohet për media pas takimit.
“Do të flasim pas takimit. Njëherë flasim e diskutojmë në takim, pastaj ju njoftojmë për rezultatet”, tha Kurti para gazetarëve.
Një gjë të tillë e tha edhe Kryetari i LDK-së, Lumir Abdixhiku.
“Deklarohem pas takimit”, kështu u përgjigj ai, pasi u pyet nga gazetarët a është optimist për marrëveshje me Albin Kurtin.
Në mbledhjen e qeverisë së mbajtur sot, Kryeministri Kurti deklaroi se zgjedhjet nuk janë opsion dhe se duhet vullnet për zgjidhje e vendime jo të lehta.
Ndërkohë, kanë mbetur edhe tetë ditë për zgjedhjen e presidentit sipas afatit të caktuar nga Gjykata Kushtetuese.
/Reporteri.net/
