Deputetja e PDK-së, Blerta Deliu-Kodra ka thënë se edhe sot në tentativën e 46 për konstituim të Kuvendit nuk pret ndonjë ndryshim, shkruan Reporteri.net.

Ajo theksoi se VV-ja duhet të reflektojë

“Reflektimi duhet të bëhet prej partisë që e ka marrë nr më të madh të mandateve. As këtë të diel spres ndryshim për shkak të qëndrimeve dhe barrikadimit e pengmarrjes që e shohim, tash e sa kohë. Skemi asnjë lëvizje nga pozicionet e tyre të ngurta, dhe drejtojnë gishtin diku tjetër”, tha Deliu-Kodra.

“Shohim qëndrime të barrikaduara. Është përgjegjësi e Albin Kurtit dhe VV-së që e kanë lënë Kosovën tash e pesë muaj dhe vazhdojnë të angazhohen në pozitat ministrore dhe kanë marrë peng institucionet”, shtoi ajo.

/Reporteri.net/