Dëmtohet një gyp në rrugën “Luan Haradinaj”, mbesin pa ujë disa lagje të Prishtinës

Kompania Rajonale e Ujësjellësit ka njoftuar se është dëmtuar gypi i ujit me diametër fi 300 mm në rrugën ” Luan Haradinaj”  në Prishtinë, shkruan Reporteri.net.

“Mëngjesin e ditës së sotme është dëmtuar gypi i ujit me diametër fi 300 mm në rrugën ” Luan Haradinaj” në Prishtinë. Ekipet e mirëmbajtjes dhe operimit të KRU” Prishtina” sh.a. janë në vendin e ngjarjes dhe po merren me sanim”, njofton kompania.

Pa furnizim me ujë të pijshëm , deri në sanimin e defektit janë lagjja Pejton, lagjja Dardania, një pjesë e lagjes Lakrishte dhe një pjesë e lagjes Kalabria në Prishtinë.