Ferat Shala: Vendit i duhet një qeveri e re, e udhëhequr nga PDK

Deputeti i PDK-së, Ferat Shala, pas dështimit të formimit të Qeverisë Kurti3, ka thënë se vendit i duhen zgjedhje të reja.

Ai përmes një postimi në Facebook ka shkruar se vendit i duhet qeveri e re e udhëhequr nga PDK-ja, shkruan Reporteri.net.

Postimi i tij i plotë:

Për nëntë muaj me radhë, Albin Kurti pretendonte se i kishte numrat për të formuar qeverinë. Sot u vërtetua se gjithçka ishte një mashtrim i madh.

PDK që nga fillimi ka qenë e vendosur: nuk do të ketë më qeveri Kurti.

Tani vendit i duhen zgjedhje të reja dhe një qeveri e re, e udhëhequr nga PDK.

Ne nuk do të ndalemi.