Kryetari i Partisë Demokratike të Kosovës, Bedri Hamza i replikoi kryeministrit Albin Kurti, duke i thënë se “ligji është iniciativë e PDK-së”, por se ai mund të plotësohet dhe korrigjohet në komisionet parlamentare.
Hamza i luti deputetët që nëse kanë propozime konkrete që mund ta pasurojnë propozimin për ndryshimin e ligjit për Gjykatën Speciale, ta bëjnë këtë “në mes të dy leximeve”.
“Po që se ka nevojë diçka të shtohet, të plotësohet, mund ta bëjmë gjatë procedurave në komisionet funksionale”, tha ai.
Hamza tha se “është përgjegjësi ekskluzive e neve si deputetë që ta aprovojmë ligjin”
Organizatori i protestës “Jo në emrin tim”, Çlirim Haziri ka thënë se do të qëndrojnë para Kuvendit derisa të votohet ndryshimi i Projektligji për Specialen edhe në leximin e dytë.
“Këtu nuk ka përfundunar asgjë. Këtu sapo ka filluar. Do të presim këtu bashkë derisa të bëhet edhe leximi i dytë e të votohet Ligji për Dhomat e Specializuara. Pra, të mos mashtrohet askush se do të largohemi derisa të votohet Ligji për UÇK-në”, tha Haziri para të pranishmëve në protestë.
Ai i porositi protestuesit të mos gjuajnë në drejtim të Policisë.
Alban Krasniqi, anëtar i Lëvizjes Vetëvendosje në Komisionin Qendror të Zgjedhjeve dhe bashkëshorti i kryetares së Kuvendit, Albulena Haxhiu, ka reaguar lidhur me debatin për ndryshimin e Ligjit për Dhomat e Specializuara, të iniciuar nga PDK-ja.
Krasniqi ka kritikuar edhe qëndrimin e LVV-së për këtë çështje, duke thënë se votimi i ndryshimeve mund të krijojë përshtypjen se kjo parti po e pranon Gjykatën Speciale.
“Me faktin që LVV po e voton këtë ligj po i bie disi që e pranon këtë gjykatë dhe kjo është tejet e rëndë për secilin aktivist që ka kundërshtuar gjykatën speciale”, ka shkruar Krasniqi.
Ai ka argumentuar se ndryshimet e propozuara nuk e shfuqizojnë Gjykatën Speciale.
“Sepse, vet ky far ligji i lodhët nuk e shfuqizon gjykatën speciale të PDK-së”, ka shkruar ai.
Krasniqi ka kritikuar edhe PDK-në, duke e lidhur situatën aktuale me rolin që, sipas tij, kjo parti ka pasur në themelimin e Gjykatës Speciale.
“Dhe ky është çmimi që VV po e paguan sot për tradhëtite e PDK-së dje”, ka shkruar ai.
Ai ka pyetur nëse ka ndonjë reflektim nga PDK-ja për zhvillimet e fundit.
“Dhe a po shihni reflektim të PDK-së? Askund në horizont”, ka shkruar Krasniqi.
Kryeministri i Kosovës, Albin Kurti, ka folur në Kuvend gjatë seancës ku po shqyrtohet Projektligji për ndryshimin dhe plotësimin e Ligjit për Dhomat e Specializuara dhe Zyrën e Prokurorit të Specializuar.
Kurti ka deklaruar se lufta e popullit të Kosovës ishte luftë çlirimtare, ndërsa Ushtria Çlirimtare e Kosovës ishte bartësja e saj.
“Lufta e drejtë e popullit tonë ishte luftë çlirimtare. Bartëse e kësaj lufte ishte UÇK-ja. UÇK-ja është shprehja më e lartë politiko-ushtarake në historinë tonë çlirimtare, që nga Lidhja Shqiptare e Prizrenit”, ka thënë Kurti.
Duke iu referuar Projektligjit për ndryshimin e Ligjit për Dhomat e Specializuara, Kurti ka thënë se nuk ka pasur kohë të mjaftueshme për analizimin e tij.
Ai ka kundërshtuar atë që e ka cilësuar si ngutje për ndryshimin e ligjit, duke theksuar se ende nuk është publikuar aktgjykimi i plotë ndaj ish-krerëve të UÇK-së.
“Për UÇK-në nuk mund të ketë gjyq, të nderuar deputetë. Ka qenë një kohë shumë e shkurtër për ta analizuar si duhet ligjin, aq më tepër kur ende nuk e kemi aktgjykimin e plotë. Këto lëvizje për ndryshimin e ligjit janë të ngutshme dhe nuk janë analizuar e menduar sa duhet”, ka deklaruar ai.
Kurti ka përmendur edhe vitet 2013 dhe 2015, kur u ndërmorën hapat drejt themelimit të Dhomave të Specializuara.
Sipas tij, në atë kohë Lëvizja Vetëvendosje nuk ishte konsultuar për këto vendime.
“Veprime të ngutshme janë bërë edhe në vitin 2013 dhe më pas në vitin 2015, kur u votua krijimi i kësaj gjykate. Atëherë nuk na keni dëgjuar. Sot do të duhej të na konsultonit”, ka thënë Kurti.
Kryeministri ka folur edhe për pakënaqësinë e qytetarëve ndaj Gjykatës Speciale, duke thënë se përgjegjësia për themelimin e saj duhet t’u adresohet atyre që e kanë mbështetur krijimin e saj.
“Zemërimi i qytetarëve ndaj gjykatës sot është i drejtë, ka qenë i pranishëm edhe në vitin 2015. Ankesat për gjykatën duhet t’u drejtohen atyre që e themeluan, jo atyre që kundërshtuan. Kemi kundërshtuar që në fillim gjykatën, por atëherë nuk e kishim mbështetjen tuaj, ndërsa ne po ju mbështesim sot”, ka deklaruar ai.
Kurti ka thënë se Vetëvendosje do ta mbështesë Projektligjin për ndryshimin e Ligjit për Dhomat e Specializuara, pavarësisht qëndrimit që kjo parti ka pasur ndaj themelimit të Speciales.
Në fund të fjalimit, Kurti ka theksuar se krahas çështjes së Ligjit për Dhomat e Specializuara, Kosovës i duhet edhe zgjedhja e presidentit.
“Duhet ligj për Gjykatën në Hagë, por edhe president në Kosovë”, ka deklaruar Kurti.
Seanca e jashtëzakonshme e Kuvendit po zhvillohet mes tensioneve jashtë objektit të Kuvendit, ku protestuesit po kërkojnë nga deputetët miratimin e ndryshimeve në Ligjin për Dhomat e Specializuara.
Kuvendi i Kosovës ka votuar në lexim të parë Projektligjin për ndryshimin e Ligjit për Specialen, shkruan Reporteri.net.
Është votuar me 91 vota për në lexim të parë Projektligji për ndryshim-plotësimin e Ligjit për Specialen.
Në votim nuk ka marrë pjesë Grupi Parlamentar i LDK-së.
Pas miratimit në lexim të parë, procedura parlamentare për këtë Projektligj vazhdon me shqyrtimin e tij përpara votimit në lexim të dytë.
Para se të arrinte në seancë plenare, Projektligji ka kaluar sot edhe në Komisionin për Legjislacion, ku u përkrah në parim në mënyrë unanime. Në votim morën pjesë nëntë deputetë dhe të gjithë votuan pro, pa asnjë votë kundër apo abstenim. Në mbledhje të Komisionit mungoi deputetja e LDK-së, Doarsa Kica-Xhelili.
Projektligji është iniciativë e Partisë Demokratike të Kosovës dhe parasheh ndryshime në Ligjin për Dhomat e Specializuara. /Reporteri.net/.
Kryeministri Albin Kurti ka thënë se lëvizjet për ndryshimin e ligjit janë të ngutshme dhe të paanalizuara mirë.
Megjithatë, Kurti tha se do ta mbështetin ndryshimet e ligjit për Specialen në lexim të parë, por i tha PDK-së se duhet ta marrin përgjegjësinë.
“Ju kemi mbështetur me rezolutën në Kuvend, sot po ju mbështesim edhe me votën në lexim të parë”, u shpreh ai.
Megjithatë, ai theksoi se VV-ja nuk është e bindur për dobinë e projektligjit.
“Ne nuk jemi të bindur për dobinë e këtij Projektligji. Na keni thënë që këtë e mbështesin edhe ekipet mbrojtëse, andaj po ua mbështesim edhe ne”, deklaroi Kurti.
“Ka qenë një kohë e shkurtër për të analizuar ligjin, sidomos kur nuk e kemi aktgjykimin e prerë. Këto lëvizje për ndryshimin e ligjit për Specialen janë të ngutshme dhe nuk janë analizuar sa duhet. Veprime të ngutshme janë bërë edhe në vitin 2015. Atëherë nuk na keni dëgjuar, por sot do të duhej të na konsultoni. Zemërimi i qytetarëve është i drejtë. Ankesat për gjykatën duhet t’u drejtohen atyre që e themeluan e jo ndaj atyre që e kundërshtuan”, ka thënë ai.
Kryetarja e Grupit Parlamentar të LDK-së, Jehona Lushaku-Sadriu, tha se si parti nuk votojnë për ndryshimet ligore për Gjykatën Speciale.
Ajo tha se ka rreziqe politike dhe juridike nga kjo nismë ligjore dhe i bëri thirrje deputetëve t’i kenë parasysh.
“LDK nuk bëhet pjesë e kësja nisme dhe paralajmëron rreziqet e mundshme poltiike dhe juridike. Deputetët t’i marrin seriozisht këto rreziqe. Lufta e UÇKë-së është e shenjtë. Ruajtja e interesit shtetëror është çka LDK do t’i qëndrojë besnike gjithmonë,” tha ajo.
LDK nuk votoi as për shmangie procedurale.
Kryetari i PDK-së, Bedri Hamza ka thënë se kjo çështje ka të bëjë me historinë e vendit dhe të ardhmen e tij.
Ka shtuar se kanë kërkuar e vazhdojnë të besojnë në drejtësi.
Gjykimin e Speciales e ka quajtur proces të rëndë për vendin.
“Janë krijuar dhe është amandamentuar Kushtetuta në bazë të raportit i cili ka bartur në vetvete akuza të tmerrshme. Jam i sigurt që nuk ka asgjë në ato akuza. Ato nuk mund të faktohen as me prova as me fakte. Dhe me ata që Kosova e ka bërë rrugën, me ata që e ka fitu lirinë e pavarësinë, ata e kanë votuar atë gjykatë. Që ka deviju Gjykata nga ajo që është votuar, është shumë e vërtetë”, ka thënë ai.
Arbërie Nagavci e Vetëvendosjes shtroi mocion procedural për shmangie procedurale për shqyrtim në lexim të parë për ndryshimin e ligjit për Gjykatën Speciale.
Shmangia u realizua me 90 vota për, ndërsa Lidhja Demokratike e Kosovës nuk votoi.
“Pika e parë e rendit të ditës për plotësim ndryshimin e ligjit për Dhomat e Specializuara dhe Zyrës së Prokurorit të Specializuar,” tha Albulena Haxhiu.
“Parashtrojmë mocion procedural për shmangie procedurale, për shqyrtimin e projektligjit për Specialen. Propozojmë që shqyrtimi i parë i këtij projektligji të bëhet në seancën e jashtëzakonshme të VV-së, si propozim i VV-së për shkak të rëndësisë që ka ky projektligj. Që të bëhet shqyrtimi në lexim të parë,” tha Arbërie Nagavcvi
Ministrja e Drejtësisë, Donika Gërvalla, nuk ndodhet në sallën e Kuvendit të Kosovës, ku po zhvillohet seanca për shqyrtimin e ndryshimeve të Ligjit për Dhomat e Specializuara.
Seanca është hapur nga kryetarja e Kuvendit, Albulena Haxhiu, ndërsa në sallë janë të pranishëm 101 deputetë.
Në seancë nuk janë parë as dy ministrat, Armend Muja e Fitore Pacolli.
Ndërkohë, jashtë objektit të Kuvendit vazhdojnë protestat, ku protestuesit dhe veteranët e UÇK-së po kërkojnë miratimin e ndryshimeve të Ligjit për Specialen.
Ka nisur punimet seanca ku do të shqyrtohet Projektligji për ndryshimin e Ligjit për Dhomat e Specializuara.
Në sallë janë deputetët e të gjitha grupeve parlamentare, me përjashtim të deputetëve të Listës Serbe.
Deputetët e LDK-së kanë ardhur të fundit në sallë.
Në sallë janë gjithsejt 101 deputetë.
Në karrigen e ministres të Drejtësisë, Donika Gërvalla, është vendosur emblema e UÇK-së.
Emblema është vendosur nga deputetja e AAK-së, Albana Bytyqi.
Kryeministri Albin Kurti ka arritur në Kuvendin e Kosovës.
Ai nuk ka pranuar të përgjigjet nëse deputetët e VV-së do t’i votojnë ndryshimet e Projektligjit për Dhomat e Specializuara.
Ai nuk është përgjigjur as në pyetjen nëse është arritur marrëveshja për zgjedhjen e presidentit.
Kreu i OVL të UÇK-së, Hysni Gucati i është bashkuar protestuesve të mbledhur para Kuvendit të Kosovës, të cilët po bëjnë thirrje për votimin e Ligjit për Dhomat e Specializuara.
Gucati tha se ka ardhur së bashku me studentët dhe të rinjtë për të pritur zhvillimet lidhur me leximin e dytë të projektligjit.
Ai paralajmëroi se situata mund të përkeqësohet nëse projektligji nuk votohet.
“Sot kemi ardhur t’u bashkëngjitemi studentëve dhe rinisë. Ne sot kemi ardhur ta presim leximin e dytë të projektligjit. Nëse nuk votohet leximi i dytë, nuk do të jetë situata e mirë as për ne, as për ata, e kam fjalën për parlamentarët dhe qeverinë”, tha Gucati.
Ndonëse ishte paralajmëruar të niste në orën 09:00, seanca e Kuvendit të Kosovës për shqyrtimin e ndryshimeve në Ligjin për Dhomat e Specializuara nuk ka filluar ende.
Vetëm deputetët e PDK-së dhe të Aleancës kanë arritur në sallën ku mbahen seancat plenare.
Ndërsa, ende nuk kanë arritur në sallë deputetët e Vetëvendosjes dhe LDK-së.
Më herët Komisioni për Legjislacion miratoi Projektligjin për Specialen.
Lidhja Demokratike e Kosovës nuk ka marrë pjesë në mbledhjen e sotme te Komisionit për Legjislacion, ku në mënyrë unanime është votuar projektligji për ndryshimin e Ligjit për Dhomat e Specializuara.
Deputetja e LDK-së që është anëtare në këtë komision është Doarsa Kica-Xhelili.
Disa nga deputetët anëtar të këtij komisioni kanë bërë me dije se nuk i din arsyet e mungesës së deputetes së LDK-së në këtë mbledhje.
Është shtuar numri i qytetarëve që po protestojnë para Kuvendit të Kosovës, duke kërkuar nga deputetët miratimin e ndryshimeve në Ligjin për Dhomat e Specializuara dhe Zyrën e Prokurorit të Specializuar
Protestuesit janë mbledhur para objektit të Kuvendit që nga mbrëmja e së dielës, në kuadër të thirrjes së iniciativës “Jo në emrin tim”. Ata po mbajnë pankarta dhe po u bëjnë thirrje deputetëve që të votojnë projektligjin.
Ndërkohë, në Kuvend po zhvillohet mbledhja e Komisionit për Legjislacion, ku po shqyrtohet Projektligji për ndryshimin dhe plotësimin e Ligjit për Dhomat e Specializuara dhe Zyrën e Prokurorit të Specializuar.
Pas përfundimit të shqyrtimit në Komision, nga ora 09:00 pritet të nisë seanca plenare e Kuvendit, ku projektligji është pika e parë e rendit të ditës.
Në të njëjtën orë, para Kuvendit është paralajmëruar edhe protesta e Organizatës së Veteranëve të Luftës së UÇK-së, me kërkesë për miratimin e ndryshimeve ligjore.
Komisioni për Legjislacion ka miratuar Projektligjin për ndryshimin e Ligjit për Dhomat e Specializuara të Kosovës.
Nëntë anëtarë të Komisionit votuan pro miratimin të Ligjit për Specialen, nuk kishte asnjë votë kundër, dhe asnjë abstenim, shkruan Reporteri.net.
Kryetari i Komisionit, Vigan Qorolli ka thënë se deputetët e Vetëvendosjes do të votojnë pro këtyre ndryshimeve.
“Jemi në një situatë që ne si komision të gjithë njëzëri do ta miratojmë ndryshimin e ligjit. Ne në këtë rend hierarkik kushtetues duhet të jemi shumë të kujdesshëm. Në emër të deputetëve të LVV-së do ta japim votën pro. Do të ndihmojmë të kalojmë këtë situatë sepse lufta e drejtë e UÇK-së është pjesa më e lavdishme e historisë tonë. Katër krerët e UÇK-së duhet të prezumohen të pafajshëm sepse janë të pafajshëm. Vota jonë do të jetë pro ndryshimeve”, ka thënë ai.
Deputeti i PDK-së, Përparim Gruda, tek ka arsyetuar kërkesën për ndryshim të Ligjit ka thënë se me të synohet që Gjykatës Speciale, t’i merret një pjesë e juridiksionit.
“E kemi gjetur një zgjidhje që të mos prekim as Kushtetutën, as detyrimet tona ndërkombëtare, krejt çfarë kemi bërë është që përmes ndryshimit të Ligjit për Dhomat e Specializuara që është një ligj i zakonshëm, në i marrim një pjesë të juridiksionit Gjykatës Speciale, ajo është pjesa e krimeve të luftës e cila nuk ka qenë kurrë qellim për Gjykatën Speciale”, është shprehur Gruda.
Besnik Tahiri i Aleancës ka thënë se procesi gjyqësor 6-vjeçar na dëshmoi se ajo për çka është formuar kjo gjykatë është tejkaluar.
“Ajo qe duhet ne si Komision për Legjislacion ta themi është se ndryshimi mbi premisat e standardeve politike janë shumë normale për shkak se ligjet nuk janë libra të shenjtë që nuk ndryshojnë. Ato ndryshojnë me kohë. Institucioni duhet të reflektojë dhe ne sot jemi këtu për t’i bërë këto veprime”, ka thënë ai.
Para nisjes së seancës së Kuvendit të Kosovës, ku në rend dite është shqyrtimi i ndryshimeve në Ligjin për Dhomat e Specializuara dhe Zyrën e Prokurorit të Specializuar, ka ardhur edhe reagimi i Partisë Demokratike të Kosovës.
Përmes një postimi në rrjetet sociale, PDK ka përcjellë një mesazh të shkurtër lidhur me zhvillimet në Kuvend, duke shkruar: “Për UÇK-në! Për çlirimtarët! Për drejtësinë!”
Reagimi i PDK-së vjen në kohën kur deputetët po shqyrtojnë projektligjin për ndryshimin dhe plotësimin e ligjit që lidhet me Dhomat e Specializuara dhe Zyrën e Prokurorit të Specializuar.
Projektligji i propozuar nga PDK-ja synon, ndër të tjera, kufizimin e juridiksionit të Dhomave të Specializuara, bartjen në Kosovë të rasteve që konsiderohen jashtë këtij juridiksioni, mundësinë e ankimit në Gjykatën Supreme, kufizimin e dënimit maksimal në 15 vjet dhe vuajtjen e dënimeve në Kosovë.
Ndryshimet në ligj janë propozuar pasi Dhomat e Specializuara në Hagë dënuan në shkallë të parë me gjithsej 81 vjet burgim Hashim Thaçin, Kadri Veselin, Rexhep Selimin dhe Jakup Krasniqin.
Disa protestues po vazhdojnë të qëndrojnë në sheshin “Ibrahim Rugova”.
Ata po presin mbledhjen e Komisioni për Legjislacion, Mandate, Imunitete, Rregulloren e Kuvendit
Në këtë mbledhje pritet të votohet Ligji për Specialen.
Po ashtu në ora 09:00 Kuvendi i Kosovës do të mbajë seancë të jashtëzakonshme.
OVL-UÇK ka bërë thirrje për protestë sot në ora 09:00, para Kuvendit të Kosovës.
Në atë kohë fillon seanca e Kuvendit të Kosovës, ku pritet të jetë çështja edhe ndryshim-ligji për Gjykatën Speciale, i propozuar nga PDK-ja.
Proteta ishte thirrur për orën 12:00, por ka ndryshuar ajo shkak i zhvillimeve me punimet e Kuvendit.
OVL-UÇK iu ka bërë thirrje gjithë qytetarëve të dalin ne protestë.
Kuvendi i Kosovës sot do të mbajë seancë të jashtëzakonshme.
Senaca do të mbahet nga ora 09:00, me 22 pika në rend dite.
Pika e parë e rendit të ditës është Shqyrtimi i Projektligjit për ndryshimin dhe plotësimin e Ligjit nr. 05/L-053 për Dhomat e Specializuara dhe Zyrën e Prokurorit të Specializuar.
Kujtojmë se 6 tetori është afati i fundit për zgjedhjen e presidentit, bazuar në vendimin e fundit të Gjykatës Kushtetuese.
Të shtunën kryeministri i Kosovës, Albin Kurti, njëherit kreu i Lëvizjes Vetëvendosje është takuar ndaras me kryetarin e PDK-së, Bedri Hamza dhe atë të LDK-së, Lumir Abdixhiku.
Rendi i ditës:
Shqyrtimi i parë i Projektligjit nr. 11/L-001 për ndryshimin dhe plotësimin e Ligjit nr. 05/L-053 për Dhomat e Specializuara dhe Zyrën e Prokurorit të Specializuar,
Shqyrtimi i Projektligjit nr.11/L-002 për Ratifikimin e Marrëveshjes së Kredisë në mes të Republikës së Kosovës dhe Agjencisë Franceze për Zhvillim për Projektin e Lojërave Mesdhetare XXI në Kosovë,
Shqyrtimi i Projektligjit nr.11/L-014 për Ratifikimin e Amendamentit Nr. 1. të Marrëveshjes Financiare në mes Republikës së Kosovës dhe Bashkimit Evropian për Programin IPA 2021,
Shqyrtimi i Projektligjit nr.11/L-015 për Ratifikimin e Amendamentit Nr. 1. të Marrëveshjes Financiare ndërmjet Republikës së Kosovës dhe Bashkimit Evropian për Programin IPA 2022,
Shqyrtimi i Projektligjit nr.11/L-016 për Ratifikimin e Marrëveshjes Financiare ndërmjet Republikës së Kosovës dhe Bashkimit Evropian për Programin Shumëvjeçar IPA 2026-2027,
Zgjedhja e dy (2) anëtarëve të Bordit të Zyrës së Rregullatorit të Energjisë,
Zgjedhja e Kryesuesit të Bordit të Zyrës së Rregullatorit të Energjisë,
Zgjedhja e Auditorit të Përgjithshëm të Republikës së Kosovës,
Përzgjedhja e dy (2) anëtarëve joekzekutiv të Bordit të Bankës Qendrore të Republikës së Kosovës,
Shqyrtimi i parë i Projektligjit nr.11/L-006 për Byronë Shtetërore dhe Verifikimin e Konfiskimin e Pasurisë së Pajustifikueshme,
Shqyrtimi i parë i Projektligjit nr.11/L-017 për ndryshimin dhe plotësimin e Ligjit Nr. 05/L-096 për Parandalimin e Pastrimit të Parave dhe Luftimin e Financimit të Terrorizmit,
Shqyrtimi i parë i Projektligjit nr.11/L-007 për rekrutimin, vlerësimin e performancës, kontrollin e integritetit dhe statusin e gjyqtarëve dhe prokurorëve,
Shqyrtimi i parë i Projektligjit nr.11/L-008 për ndryshimin dhe plotësimin e Ligjit Nr. 06/L-056 për Këshillin Prokurorial të Kosovës, i ndryshuar dhe plotësuar me Ligjin Nr. 08/L-249,
Shqyrtimi i parë i Projektligjit nr.11/L-009 për ndryshimin dhe plotësimin e Ligjit Nr. 06/L-055 për Këshillin Gjyqësor të Kosovës,
Shqyrtimi në i parë i Projektligjit nr.11/L-010 për përgjegjësinë disiplinore të gjyqtarëve dhe prokurorëve,
Shqyrtimi i parë i Projektligjit nr.11/L-003 për Energjinë,
Shqyrtimi i parë i Projektligjit nr.11/L-004 për Energjinë Elektrike,
Shqyrtimi i parë i Projektligjit nr.11/L-005 për Inovacion dhe Ndërmarrësi,
Shqyrtimi i parë i Projektligjit nr.11/L-012 për pagesat e vonuara në transaksionet tregtare,
Shqyrtimi i parë i Projektligjit nr. 11/L-013 për ndryshimin dhe plotësimin e Ligjit nr. 10/L-001 mbi ndarjet buxhetore për Buxhetin e Republikës së Kosovës për vitin 2026,
Shqyrtimi i parë i Projektligjit nr.11/L-018 për Menaxhimin e Resurseve Ujore.
Disa protestues po vazhdojnë të qëndrojnë në sheshin “Ibrahim Rugova” duke kundërshtuar vendimin e Gjykatës Speciale.
Protestuesit kanë ndezur zjarrë dhe pritet të qëndrojnë gjithë natën aty.
Aty janë vendosur edhe tendat.
Po ashtu ata po kërkojnë që deputetët nesër në Kuvendin e Kosovës të votojnë Ligjin për Specialen.
Ata kanë paralajmëruar për nesër një protestë duke filluar nga ora 08:00 kur edhe nis mbledhja e Komisionit për Legjislacion.
arlamentet studentore, organizatat dhe këshillat e studentëve nga Universiteti i Prishtinës “Hasan Prishtina” dhe Universiteti “Ukshin Hoti” në Prizren kanë shprehur mbështetje për protestën gjithëpopullore të iniciativës “Jo në emrin tim”, e cila mbahet nesër, më 5 tetor, nga ora 08:00 në sheshin “Skënderbeu” në Prishtinë.
Mbështetjen për protestën dhe kërkesën për miratimin e ligjit që mbron UÇK-në e kanë shprehur:
Parlamenti Studentor i Universitetit të Prishtinës “Hasan Prishtina”;
Parlamenti Studentor i Universitetit “Ukshin Hoti” në Prizren;
Organizata studentore “Unioni Demokratik Studentor”;
Organizata studentore “Reforma”;
Këshilli Studentor i Fakultetit Juridik të UP-së;
Këshilli Studentor i Fakultetit të Inxhinierisë së Ndërtimit;
Këshilli i Studentëve i Fakultetit Filozofik. Përmes shpërndarjes së thirrjes për protestë, përfaqësuesit studentorë i janë bashkuar mobilizimit për pjesëmarrje dhe kërkesës drejtuar deputetëve që ta miratojnë ligjin.
“Ligji për UÇK-në duhet të kalojë nesër!”, është mesazhi i afishes së protestës, të shpërndarë edhe nga përfaqësuesit studentorë.
Tubimi është thirrur për mëngjesin kur Kuvendi pritet të mblidhet për shqyrtimin e ligjit.
Ndërkohë, organizatori Çlirim Haziri ka njoftuar se protestuesit do të qëndrojnë gjatë gjithë natës në shesh, për t’i pritur deputetët para seancës.
Mbështetja e strukturave studentore i shtohet kërkesës së protestuesve që, prej 19 ditësh, po kërkojnë miratimin pa vonesë të ligjit që mbron UÇK-në dhe çlirimtarët.
Endrit Thaçi, djali i ish-presidentit Hashim Thaçi, u ka bërë thirrje që të gjitha partive politike të bëhen bashkë dhe ta miratojnë Projektligjin për ndryshimin dhe plotësimin e Ligjit për Dhomat e Specializuara.
Duke folur për TV Dukagjinin gjatë protestës “Jo në emrin tim”, Endrit Thaçi i ka falënderuar qytetarët për mbështetjen.
“Ju ftoj të gjitha partitë që të bëhen bashkë edhe ta kalojnë ligjin për Gjykatën Speciale. I falënderoj të gjithë popullin për mbështetje”, ka deklaruar ai.
Protestuesit e mbledhur para Kuvendit në mbështetje të ish-krerëve të UÇK-së kanë paralajmëruar se aty do të qëndrojë gjatë gjithë natës sonte.
Një nga organizatorët e kësaj proteste Qlrim Haziri ka ftuar qytetarët që të hënën të mblidhen para Kuvendit në orën 08:00, ku një orë më vonë do të mbahet seanca e Kuvendit e cila në rend dite ka miratimin në lexim të parë të projektligjit për Dhomat e Specializuara.
/Tëvë1
Kuvendi i Kosovës ka njoftuar se të hënën do të mbahet seancë e jashtëzakonshme plenare.
Senaca do të mbahet nga ora 09:00, me 22 pika në rend dite.
Pika e parë e rendit të ditës është Shqyrtimi i Projektligjit për ndryshimin dhe plotësimin e Ligjit nr. 05/L-053 për Dhomat e Specializuara dhe Zyrën e Prokurorit të Specializuar.
Kujtojmë se 6 tetori është afati i fundit për zgjedhjen e presidentit, bazuar në vendimin e fundit të Gjykatës Kushtetuese.
Të shtunën kryeministri i Kosovës, Albin Kurti, njëherit kreu i Lëvizjes Vetëvendosje është takuar ndaras me kryetarin e PDK-së, Bedri Hamza dhe atë të LDK-së, Lumir Abdixhiku.
Rendi i ditës:
Shqyrtimi i parë i Projektligjit nr. 11/L-001 për ndryshimin dhe plotësimin e Ligjit nr. 05/L-053 për Dhomat e Specializuara dhe Zyrën e Prokurorit të Specializuar,
Shqyrtimi i Projektligjit nr.11/L-002 për Ratifikimin e Marrëveshjes së Kredisë në mes të Republikës së Kosovës dhe Agjencisë Franceze për Zhvillim për Projektin e Lojërave Mesdhetare XXI në Kosovë,
Shqyrtimi i Projektligjit nr.11/L-014 për Ratifikimin e Amendamentit Nr. 1. të Marrëveshjes Financiare në mes Republikës së Kosovës dhe Bashkimit Evropian për Programin IPA 2021,
Shqyrtimi i Projektligjit nr.11/L-015 për Ratifikimin e Amendamentit Nr. 1. të Marrëveshjes Financiare ndërmjet Republikës së Kosovës dhe Bashkimit Evropian për Programin IPA 2022,
Shqyrtimi i Projektligjit nr.11/L-016 për Ratifikimin e Marrëveshjes Financiare ndërmjet Republikës së Kosovës dhe Bashkimit Evropian për Programin Shumëvjeçar IPA 2026-2027,
Zgjedhja e dy (2) anëtarëve të Bordit të Zyrës së Rregullatorit të Energjisë,
Zgjedhja e Kryesuesit të Bordit të Zyrës së Rregullatorit të Energjisë,
Zgjedhja e Auditorit të Përgjithshëm të Republikës së Kosovës,
Përzgjedhja e dy (2) anëtarëve joekzekutiv të Bordit të Bankës Qendrore të Republikës së Kosovës,
Shqyrtimi i parë i Projektligjit nr.11/L-006 për Byronë Shtetërore dhe Verifikimin e Konfiskimin e Pasurisë së Pajustifikueshme,
Shqyrtimi i parë i Projektligjit nr.11/L-017 për ndryshimin dhe plotësimin e Ligjit Nr. 05/L-096 për Parandalimin e Pastrimit të Parave dhe Luftimin e Financimit të Terrorizmit,
Shqyrtimi i parë i Projektligjit nr.11/L-007 për rekrutimin, vlerësimin e performancës, kontrollin e integritetit dhe statusin e gjyqtarëve dhe prokurorëve,
Shqyrtimi i parë i Projektligjit nr.11/L-008 për ndryshimin dhe plotësimin e Ligjit Nr. 06/L-056 për Këshillin Prokurorial të Kosovës, i ndryshuar dhe plotësuar me Ligjin Nr. 08/L-249,
Shqyrtimi i parë i Projektligjit nr.11/L-009 për ndryshimin dhe plotësimin e Ligjit Nr. 06/L-055 për Këshillin Gjyqësor të Kosovës,
Shqyrtimi në i parë i Projektligjit nr.11/L-010 për përgjegjësinë disiplinore të gjyqtarëve dhe prokurorëve,
Shqyrtimi i parë i Projektligjit nr.11/L-011 për Akademinë e Drejtësisë,
Shqyrtimi i parë i Projektligjit nr.11/L-003 për Energjinë,
Shqyrtimi i parë i Projektligjit nr.11/L-004 për Energjinë Elektrike,
Shqyrtimi i parë i Projektligjit nr.11/L-005 për Inovacion dhe Ndërmarrësi,
Shqyrtimi i parë i Projektligjit nr.11/L-012 për pagesat e vonuara në transaksionet tregtare,
Shqyrtimi i parë i Projektligjit nr. 11/L-013 për ndryshimin dhe plotësimin e Ligjit nr. 10/L-001 mbi ndarjet buxhetore për Buxhetin e Republikës së Kosovës për vitin 2026,
Shqyrtimi i parë i Projektligjit nr.11/L-018 për Menaxhimin e Resurseve Ujore.
Po vazhdon protesta e 19-të me radhë, e cila në dy netët e fundit është zhvendosur para Kuvendit të Kosovës.
Organizatori i protestës, Çlirim Haziri ka thënë se sonte do të qëndrojnë gjithë natën para Kuvendit.
Ndryshe, Kryeparlamentarja Albulena Haxhiu ka thirrur për nesër në ora 9:00 seancën e jashtëzakonshme ku ligji për Specialen do të jetë pika e rendit të ditës.
OVL-UÇK ka bërë thirrje për protestë nesër në ora 09:00, para Kuvendit të Kosovës.
Ne atë kohë fillon seanca e Kuvendit të Kosovës, ku pritet të jetë çështja edhe ndryshim-ligji për Gjykatën Speciale, i propozuar nga PDK-ja.
Proteta ishte thirrur për nesër në orën 12:00, por ka ndryshuar ajo shkak i zhvillimeve me punimet e Kuvendit.
OVL-UÇK iu ka bërë thirrje gjithë qytetarëve të dalin ne protestë.
Kryetari i PDK-së, Bedri Hamza, ka thënë se është optimist që plotësimi dhe ndryshimi i Ligjit për Dhomat e Specializuara do të kalojë nesër në Kuvend.
Ai në një konferencë për media pas mbledhjes së Kryesisë së PDK-së, ka thënë se partia e tij asnjëherë nuk ka kërkuar të bëhet pjesë e Qeverisë Kurti, por se është e hapur për t’i dhënë vendit president.
“Ne nuk kemi kërkuar asnjëherë të jemi pjesë e qeverisë por nuk jemi të mbyllur dhe përjashtues për t’i dhënë vendit president. Nesër jam optimist se ligjin do ta përkrahin të gjithë deputetët, edhe i lus edhe i ftoj të gjithë deputetët e Kuvendit të Republikës së Kosovës që të jenë në mbështetje të këtij projektligji”, deklaroi Hamza.
Ai e cilësoi projektligjin si të rëndësishëm për procesin e drejtësisë, duke theksuar se qëndrimi i tij dhe i PDK-së nuk është kundër drejtësisë, por kundër asaj që ai e konsideron padrejtësi në proceset e Dhomave të Specializuara.
“Është një ligj tepër i rëndësishëm, është një ligj që kërkon të vendosë drejtësi. Nuk jemi kundër drejtësisë, jemi kundër padrejtësisë”, tha ai.
Hamza tha se synimi është që procesi i apelimit të zhvillohet brenda Dhomave të Specializuara dhe që vendimet të bazohen në prova dhe fakte.
Aii theksoi se iniciativa nuk synon shpërbërjen e Dhomave të Specializuara, por vendosjen e mekanizmave që, sipas tij, do ta rikthenin procesin brenda kornizave juridike dhe ligjore.
“Ne nuk po e shpërbëjmë Gjykatën apo Dhomat e Specializuara, por po vendosim mekanizma, po e vendosim, po e kthejmë brenda normave juridike dhe ligjore”, deklaroi Hamza.
Ai shprehu bindjen se projektligji do të marrë mbështetjen e deputetëve dhe se procedurat e tij do të përfundojnë brenda Kuvendit. /Reporteri.net/.
Të hënën nga ora 8:00 do të mbahet mbledhja e Komisionit për Legjislacion, ku në rend të ditës do të jetë shqyrtimi i Projektligjit për ndryshimin dhe plotësimin e Ligjit për dhomat e Specializuara të Kosovës. Lajmin e ka bërë të ditur kryetari i Komisionit për Legjislacion, deputeti i Lëvizjes Vetëvendosje, Vigan Qorrolli, nëpërmjet një postimi në Facebook.
“Të hënën, më 5 tetor 2026, në ora 08:00, në sallën N-10, do të mbahet mbledhja e Komisionit për Legjislacion. Në rend të ditës është shqyrtimi i Projektligjit për ndryshimin dhe plotësimin e Ligjit Nr. 05/L-053 për Dhomat e Specializuara dhe Zyrën e Prokurorit të Specializuar, pas ngarkimit të Komisionit me shqyrtimin e tij. Mbledhja do t’i kushtohet shqyrtimit të Projektligjit dhe aspekteve të tij juridike, në përputhje me Kushtetutën, legjislacionin në fuqi dhe procedurat e Kuvendit. Ftohen deputetët dhe mediat që të marrin pjesë në këtë mbledhje!” – ka shkruar Qorrolli në Facebook.
Lëvizja Vetëvendosje ka bërë kërkesë që nesër të mbahet seancë në Kuvendin e Kosovës nga ora 9:00, ku ndër pikat do të jetë edhe ky projektligj.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
