Panairi Ndërkombëtar i Verërave që po zhvillohet në Beograd në kuadër të iniciativës rajonale të “Open Balkan” ka zgjuar kritikën e trefishtë të Kryetarit të Aleancës për Ardhmërinë e Kosovës, Ramush Haradinaj, raporton gazeta online Reporteri.net.

Kritika e tij prek Shqipërinë, Serbinë e Kosovën – përçka Haradinaj tha kryeqytet i çdovitshëm i verërave në rajon është Rahoveci.

“Kosova ka qenë dhe është shumë hapa para Serbisë në prodhim të verërave”, shkroi Haradinaj, deri sa kritik ishte për mbajtjen e saj në Beograd.

“Mbajtja e Panairit të Verërave në Beograd dhe promovimi i tij në rajon, godet direkt biznesin e verarisë në Kosovë”, tha ai.

Në dritë me këtë, Haradinaj potencoi dëmet që reduktimet e energjisë elektrike në Kosovë kanë shkaktuar, duke aluduar te qeveria kosovare.

“Përderisa i bëhet kaq promovim panairit në Beograd, panairi në Kosovë dënohet me mungesë rryme, duke pamundësuar funksionimin normal”, u shpreh kreu i AAK-së.

“Rahoveci është kryeqyteti i verërave në rajon, e që nesër si dhe çdo vit është nikoqir i ‘Hardh Fest’”.

Përkrahja e vreshtarëve tonë promovon punën e tyre dhe Kosovën në gjithë botën, përfundoi ish-kryeministri./Reporteri.net/