Bekim Haxhiu nga Partia Demokratike, ka ngritur shqetësime se në vend nuk po dihet a kanë qytetarët koronavirusin e variantit Omicron apo virus sezonal, pasi sipas tij, simptomat janë të njëjta dhe institucionet nuk po arrijnë t’i dallojnë.

Haxhiu, në seancën e Kuvendit të Kosovës, ka kritikuar Qeverinë e Kosovës për keqmenaxhim të pandemisë, shkruan Reporteri.net.

Siç tha ai, shqetësimet e tij ia ka kumtuar edhe ministrit të Shëndetësisë.

“Duhet t’i kërkoni falje qytetarëve për keqmenaxhimin me pandeminë”, u shpreh ai.