Instituti Kombëtar i Shëndetësisë Publike të Kosovës, ka dalë gjatë ditës së sotme me një, siç thotë instituti, informatë obliguese për të gjithë të testuarit në Sars Cov-2.
“Të gjithë personat të cilët janë mostruar për testim në COVID-19 duhet të qëndrojnë në shtëpi/banesë deri në lajmërimin e rezultatit të testit nga IKSHPK. Personat të cilët lajmërohen që kanë rezultuar pozitivë në COVID-19 e kanë të ndaluar që personalisht të vijnë në IKSHPK për të kërkuar rezultatin deri në 10 ditë pas ditës së testimit”, njofton IKSHPK-ja.
Individët e interesuar që të kenë rezultatin në formë të shkruar më herët, rezultatin e testimit mund ta kërkojnë përmes emailit në QOE.IKSHP@rks-gov.net ose të autorizojnë (me posedim të letërnjoftimit/pasaportës të personit testuar) ndonjë individ që nuk është i infektuar me COVID 19.