Vetë Salman Rushdie dhe mbështetësit e tij janë për t’u fajësuar për therrjen e disa hershme të tij me thikë në paraqitjen e tij në New York, tha zëdhënësi i ministrisë së jashtme iraniane, Nasser Kanaani, raportoi “The Guardian”.

Mes tjerash, zëdhënësi iranian tha se nuk kanë informacione rreth sulmuesit të shkrimtarit Salman Rushdie, përcjell Gazeta Online Reporteri.net.

Përveç kësaj, sipash këtij zëdhënësi, liria e shprehej nuk i justifikon “fyerjet e tij ndaj fesë në shkrime”, derisa shtoi se dinë vetëm aq sa është shfaqur në media.

“Qesharake” e quajti qëndrimin e Iranit këtë të hëne zëdhënësi i kryeministrit britanik Boris Johnson.

“Qartazi është absurde të sugjerosh së Salman Rushdie do të mund të kishte qenë në çfarëdo mënyre përgjegjës për këtë sulm të tmerrshëm ndaj tij”, tha kryeministria britanike.

“Nuk ishte kjo në sulm vetëm ndaj tij, ishte një sulm mbi vetë shprehjen e lirë. Qeveria e Mbretërisë së Bashkuar qëndron me të dhe familjen e tij, por njëjtë me këtë qëndrojmë me lirinë e fjalës dhe shprehjes anekënd botës”.

Vice News raportoi të dielën se para arrestimit, i dyshuari, Hadi Matar, dyshohet se kishte pasur kontakt me Gardën Revolucionare Islamike, një degë e ushtrisë së Iranit, duke cituar burime të inteligjencës evropiane dhe të Lindjes së Mesme.

Raporti tha gjithashtu se nuk kishte prova se zyrtarët iranianë ishin të përfshirë në organizimin e sulmit ndaj Rushdie.

Shkrimtari kaloi vite nën mbrojtjen e policisë pasi udhëheqësit iranianë bënë thirrje për vrasjen e tij për portretizimin e Islamit dhe profetit Muhamed në romanin e tij Vargjet Satanike.

Ai ishte gati të intervistohej si pjesë e një serie leksionesh të premten, kur një burrë doli me nxitim në skenë dhe e goditi me thikë pandërprerë.

“Rruga drejt rimëkëmbjes së Rushdie ka filluar”, por “do të jetë e gjatë”, tha agjenti i romancierit të dielën.

“Plagët janë të rënda”, tha agjenti Andrew Wylie, në një e-mail dërguar “The Guardian”, duke aluduar në plagët e therrjes që pësoi autori në qafë, stomak, sy, gjoks dhe në kofshë.

“Por, gjendja e tij po merr drejtimin e duhur”.

Romancieri britanik me origjinë indiane mbeti në spital të dielën në një gjendje kritike, por tani është hequr nga oksigjeni, gjë që e lejoi atë të fliste dhe të demonstronte se “ndjenja e tij e zakonshme e guximshme dhe sfiduese e humorit mbetet e paprekur”, tha djali i tij Zafar Rushdie.

Megjithatë, ai thotë se plagët e babait të tij “ishin jetë ndryshuese”.

Të shtunën, Matar u deklarua i pafajshëm për akuzat për tentativë vrasje dhe sulm në një paraqitje të shkurtër në gjykatë ku atij iu mohua lirimi me kusht.

Sekretari amerikan i shtetit, Antony Blinken, tha të dielën se institucionet shtetërore iraniane kishin nxitur dhunë kundër Rushdie-s për breza të tërë, dhe mediat e lidhura me shtetin e kishin përgëzuar për tentativën për vrasjen e tij.

“Kjo është e neveritshme,” tha Blinken në një deklaratë. “Shtetet e Bashkuara dhe partnerët nuk do të lëkunden në vendosmërinë tonë për t’u bërë ballë këtyre kërcënimeve, duke përdorur çdo mjet të përshtatshëm që kemi në dispozicion”.

Guvernatorja e New York-ut, Kathy Hochul, foli në Institutin Chautauqua, ku Rushdie u godit me thikë, duke dënuar “sulmin frikacak” dhe duke pohuar se “një njeri me thikë nuk mund të heshtë një njeri me stilolaps”, përcjell Gazeta Online Reporteri.net.

Rushdie kishte jetuar në ruajtje dhe nën mbrojtjen e policisë për vite pasi lideri i ndjerë iranian Ayatollah Ruhollah Khomeini nxori një fetva në vitin 1989 duke bërë thirrje për vdekjen e tij si ndëshkim për Vargjet Satanike.

Shumë muslimanë e interpretuan librin e autorit si blasfemues, sepse ai përfshinte një personazh që ata e konsideruan fyes ndaj profetit Muhamed.

Rushdie, 75 vjeç, ishte në institucion për të folur për rëndësinë e dhënies së azilit nga ShBA për shkrimtarët e mërguar kur u sulmua dhe kishte thënë së fundmi se besonte se jeta e tij ishte “shumë normale përsëri”.

Të shtunën, prokurori i qarkut Jason Schmidt pretendoi se sulmuesi i akuzuar i Rushdie kishte ndërmarrë hapa për ta vënë veten qëllimisht në pozitë për të dëmtuar Rushdie, duke marrë një leje paraprake për ngjarjen ku po fliste autori dhe mbërriti një ditë më herët me një letërnjoftim të rreme.

“Ky ishte një sulm i synuar, i paprovokuar, i paraplanifikuar ndaj zotit Rushdie,” tha Schmidt.

Mbrojtësi publik Nathaniel Barone u ankua se autoritetet kishin marrë shumë kohë për ta nxjerrë Matarin para një gjyqtari ndërsa e kishin lënë “të lidhur në një stol në kazermat e policisë së shtetit”.

“Ai ka të drejtën kushtetuese të pafajësisë së prezumuar”, tha Barone.

Rushdie u godit me thikë në mënyrë të përsëritur përpara se sulmuesi i tij i supozuar të sulmohej nga spektatorët, stafi i institucionit dhe dy oficerë vendas të zbatimit të ligjit që ofrojnë siguri. Një ekuipazh helikopteri e çoi Rushdin në një spital në Erie aty pranë, Pensilvani.

“Ne jemi shumë mirënjohës për të gjithë anëtarët e audiencës që me guxim u hodhën në mbrojtje të tij dhe administruan ndihmën e parë së bashku me policinë dhe mjekët që janë kujdesur për të”, thuhet në deklaratën e Zafar Rushdie.

Rushdie kishte 10 lëndime me thikë: tre plagë me thikë në pjesën e përparme të djathtë të qafës, katër të tjera në stomak, një në syrin e djathtë dhe në gjoks dhe një prerje në kofshën e djathtë. Ai pësoi një mëlçi të dëmtuar dhe nerva të prera në një krah dhe një sy, tha Wylie të premten në mbrëmje, duke shtuar se ndoshta do të humbiste syrin e dëmtuar.

Sulmi është pritur me tronditje dhe zemërim nga pjesa më e madhe e botës, së bashku me homazhe dhe lavdërime për Rushdie, shkroi “The Guardian”./ Reporteri.net