Ka nisur Samiti i Demokracisë në SHBA, i cili do të mbahet për dy ditë me radhë.

Ky samit ka nisur me fjalimin e presidentit të Shteteve të Bashkuara të Amerikës, Joe Biden.

Në këtë samit virtuelisht do të marrë pjesë edhe presidentja e vendit, Vjosa Osmani.

Në njoftimin nga Presidenca është bërë e ditur se Presidentja Osmani në fjalën e saj në këtë Samit do t’i paraqes pikat kryesore të zotimeve të Kosovës në fushën e sundimit të ligjit, bashkëpunimit ndërkombëtar në luftimin e autokracive, fuqizimit të rolit të grave në shoqëri dhe krijimin e mekanizmave për të siguruar zbatimin e zotimeve.

Presidentja ka përshirë në delegacionin e saj që do të marrin pjesë virtuelisht në samit edhe përfaqësues të institucioneve të tjera publike dhe përfaqësues të shoqërisë civile.