Kafe, ushqim e pije - Ministria e Hajrullah Çekut i bën “rrush e kumbulla” 90 mijë euro

Lajme

Kafe, ushqim e pije – Ministria e Hajrullah Çekut i bën “rrush e kumbulla” 90 mijë euro

Reporteri

22 Prill 2022 | 22:33

Ministria e Kulturës Rinisë dhe Sportit, që drejtohet nga Hajrulla Çeku ka vendosur që t’i shpenzoj 90 mijë euro në pije, ushqim e kafe.

Kafe, expresso, makiato, pije, çaj, hamburgerë, omleta, pica, makorona e shpageta. Këto janë vetëm disa nga produktet që do t’i konsumojnë punëtorët e Ministrisë së Kulturës Rinisë dhe Sportit për një kohë.

Sigurimin e këtyre ushqimeve dhe pijeve, ky institucion e ka bërë duke shpallur tender.

Lexo edhe:

Nënsekretarja amerikane e Shtetit nga Beogradi thotë se do t’i kërkojë Kosovës të avancojë nëpërmjet dialogut

Ambasada thotë se De Riu pati takim produktiv me kryetarin e PDK-së

Ish-deputeti i VV-së thotë se po krijohen “tema të mëdha” për të tërhequr vëmendjen nga problemet reale

Vlera e tij kap shifrën e hiç më pak se 90 mijë euro, shkruan Gazeta Online Reporteri.net

Për tenderin “Shërbime të hotelerisë në Ministrinë e Kulturës, Rinisë dhe Sportit. Shërbime dhe furnizime me ushqim dhe pije për stafin e MKRS-së”, në garë kanë qenë dy kompani, derisa fituese është shpallur “D.P.H.,,Luzern”.

Ministri a Kulturës ka paraparë që për secilën pije të paguaj nja 40 centë, derisa për ushqim 60 centë.

“Vlera e parashikuar e kontratës: 90 000,00. Çmimi total për pjesën i pijet e ftohta dhe të ngrohta 0,40. Çmimi total për Pjesën e ushqimet; 0,60. Vlera e përgjithshme e kontratës 47,80”, shkruan në njoftimin e bërë në KRPP.

Është bërë me dije se kontrata mes kompanisë fituese dhe ministrisë do të nënshkruhet me 28.04.2022.

Në dosjen e tenderit janë treguar me detaje se çfarë pije dhe ushqimi janë planifikuar të blihen me 90 mijë euro.

“Kafe Expresso. Kafe makiato e vogël . Kafe makiato e madhe . Kafe kapuçino . Kafe turke. Nes – kafe .Qumësht me çokolladë (bambi) .Çaj – Filtër (të gjitha llojet) . Pije ne kanaçe 330 ml. (coca cola , fanta, sprite, biter limon, tonik, shëeps, çaj i ftohtë ) . Lëngje frutash paketim qelqi 250 ml. (pjeshkë, mollë, portokall, dredhëz, dardhë, ananas, vishnje, xhus, etj.) Ujë natyral 0.5 litërUjë i gazuar 0.5 litër. .Ujë natyral (qelq) 0.25 litër. Omlet me proshutë (ve, proshutë, dekorim) – 300 gr. Omlet me djathë (ve, djath, kaçkavall) – 300 gr. Omlet me këpurdha (ve, këpurdha, dekorim) – 300 gr. Pogaqe për një person (diameter 13cm) me lang. Kaçkavall te fërguar – 200 gr. Makarona boloneze – 300 gr . Shpageta boloneze – 300 gr”, e shumë produkte të tjera./Reporteri.net/.