Ka ndërruar jetë edhe personi i dytë si pasojë e aksidentit të tmerrshëm që ndodhi më 7 mars në qendër të Gjilanit ku një person humbi jetën po atë ditë dhe dhjetëra të tjerë u lënduan.
Fjala është për Fatime Islamin e moshës 84 vjeçare e cila nuk arriti ti mbijetoj plagëve të marra para 55 ditësh, shkruan Reporteri.net.
Ajo ishte e hospitalizuar që nga 7 marsi, por në fund u ‘dorëzua’ dhe ndërroi jetë, për tu bërë kështu viktima e dytë nga aksidenti i tmerrshëm që ‘terrorizoi’ Gjilanin por jo vetëm.
Rikujtojmë që edhe Qerim Qoqaj 63 vjeç kishte ndërruar jetë në atë aksident, teksa dhjetëra të tjerë mbeten të lënduar.
Aksidentin e shkaktoi kamioni pasi thuhet i kishte frenat në defekt.
Kujtojmë se Mustafë Avdija nga Peja, që po voziste kamionin më 7 mars kur ndodhi aksidenti tragjik që la një person të vdekur e shumë të tjerë të lënduar, iu është ndryshuar masa e arrestit nga paraburgimi në burg shtëpiak. /Reporteri.net/.
Aksidenti i 7 marsit me kamion në Gjilan, vdes edhe personi i dytë