Kosova bëhet me oficere ndërlidhëse në Departamentin e Shtetit, kjo është diplomatja e emëruar

Ambasadori i ri amerikan në Kosovë, Jeffrey Hovenier, ka njoftuar se Merdiana Leci do të jetë zyrtarja ndërlidhëse e Kosovës në Departamentin amerikan të Shtetit, shkruan Reporteri.net.

Hovenier përmes një postimi në Twitter ka thënë se programi i ri do të fuqizojë bashkëpunimin SHBA – Kosovë.

“Diskutim produktiv me ministren e Jashtme, Gërvalla & frymëzues takimi me Merdiana Lecin, diplomatja e parë kosovare që shërben si zyrtare ndërlidhëse në Departamentin e Shtetit në Washington. Ky program do t’i fuqizojë mirëkuptimin dhe bashkëpunimin ShBA – Kosovë për prioritetet e përbashkëta të politikës së jashtme”, ka shkruar Hovenier.