“Kosova nuk mund të quhet shtet”, incidenti në Samitin Dixhital në Beograd

Një incident ka ndodhur sot në Samitin Dixhital të vendeve të Ballkanit Perëndimor që po mbahet në Beograd.


Gjatë prezantimit të përfaqësuesit nga ICK (Inovation Center Kosovo) Shpend Lila, një gruanga publiku ka ndërprerë dy herë fjalimin e Lilës.

“Sipas Rezolutës së Kombeve të Bashkuara 1244, është absolutisht e papranueshme që të keqpërdoret ky takim dhe afirmohet pavarësia e njëanshme e të ashtuquajturës shtet i Kosovës, me ç’rast po shkelet marrëveshje për përfaqësimin dhe bashkëpunim rajonal të arritur në dialogun mes Beogradit dhe Prishtinës”, dëgjohet të ketë thënë një grua në gjuhën serbe.