“Shefi i diplomacisë kroate, Gordan Grliç Radman, në vlerësimin e tij publikisht se njohja e Kosovës nga Serbia është e pashmangshme, doli jashtë kornizës së politikës zyrtare të BE-së, të cilën dua t’ju kujtoj, është në qëndrim neutral ndaj statusit për këtë çështje”, tha ministri i Punëve të Jashtme të Serbisë, Nikola Selakoviç, përmes një komunikate publikuar online.

“Përkundër dëshirës së ministrit Grliç Radman”, Selakoviç tha se “Serbia nuk do ta njohë pavarësinë [e Kosovës]”, derisa vazhdoi të thirret në “validitetin” e Rezolutës 12/44 të Këshillit të Sigurimit të OKB-së të vitit 1999.

“Qëndrimi i diplomacisë kroate për këtë çështje është, për ta thënë butë, kontradiktor, sepse sot Kroacia mbron integritetin territorial dhe sovranitetin e Ukrainës duke iu referuar parimit të sovranitetit dhe paprekshmërisë së integritetit territorial të shteteve, dhe në të njëjtën kohë ia mohon Serbisë të njëjtat të drejta, e cila nuk është as parimore e as fqinjësore”, ka thënë Selakovip në njoftim.

Selakoviç, interpreton si qëndrim zyrtar të BE-së pesë shtetë mosnjohëse, përkatësisht ato të Spanjës, Rumunisë, Qipros, Greqisë dhe Sllovakisë.

Ndërsa sa i përket “daljen jashtë kornizës së BE-së” duke kërkuar që Serbia duhet ta njohë Kosovën dhe se kjo është e pashmangshme, Kancelari Federal Gjerman, Olaf Scholz, të njëjtën gjë e kërkoi në Beograd, në konferencë për shtyp me Presidentin e Serbisë, Aleksandër Vuçiç./Reporteri.net/