Lëndohen 6 persona në aksident në pikë të mëngjesit

Gjashtë persona kanë marrë lëndime të lehta trupore nga aksidenti që ka ndodhur afër Mensës së studentëve në Prishtinë.

Këtë e konfirmoi, Flora Ahmeti, zëdhënësja e Policisë së Kosovës në Prishtinë, e cila shtoi se aksidenti ka ndodhur rreth orës 07:00.

“Rreth orës 07:00 kemi pranuar informatën për një aksident trafiku në rrugën Eqrem Cabej në Prishtinë. Në aksident kanë qenë të përfshira dy automjete. Si pasojë e aksidentit 6 persona kanë marrë lëndime trupore. (Lëndimet janë të lehta)”, ka thënë ajo.

Vlen të theksohet se udhëkryqi ku ka ndodhur aksidenti është i rregulluar me semaforë.