Punësimet familjare të personaliteteve politike në Post Telekomin e Kosovës, ishin temat aktuale të këtyre ditëve.

Lidhur me këtë temë, deputeti i LDK-së, Lumir Abdixhiku ka shkruar në një postim në Facebook se shpenzimeve të Kosovës, tani i janë shtuar edhe 14 milionë euro humbje të Telekomit vetëm sivjet.

Ndërsa, 200 milionë euro të shpërdoruara publikisht për një vit e gjysmë nga PAN, sa shumë gjëra do të viheshin në binarë me kaq para, ka theksuar Abdixhiku.

Postimi i plotë i Abdixhikut:

Në Kosovën e PAN-it:

– 53 milionëve të Bechtelit;
– 52 milionëve të ujit;
– 49 milionëve të listave fallce;
– 16 milionëve të rezervës shtetërore;
– 10 milionëve të zv/ministrave me këshilltarë;

I shtohen edhe 14 milionë euro humbje të Telekomit vetëm sivjet. Punësimi familjar aty vazhdon.

Gati 200 milionë euro të shpërdoruara publikisht për një vit e gjysmë PAN. Sa shumë gjëra do të viheshin në binarë me kaq para.