Mosmarrëveshje në një familje në Ferizaj: Babai plagos djalin

Pas një mosmarrëveshje në një familje në Ferizaj, mëngjesin e sotëm, babi ka shtënë me armë zjarri dhe ka plagosur djalin e tij.


Lajmin e ka konfirmuar për reporteri.net, zëdhënësi i Policisë për Rajonin e Ferizajt, Agim Gashi.

Ai ka bërë të ditur se ngjarja ka ndodhur mëngjesin e sotëm rreth orës 07:20, dhe ka bërë të ditur se viktima ka marrë plagë në këmbë. Gashi ka thënë se bëhet fjalë për një të ri 23 vjeçar, dhe sipas tij ai është jashtë rrezikut për jetë.

“Rreth orës 07:20 pas një mosmarrëveshje mes babait dhe djalit të tij, prindi ka shkrepur me armë zjarri dhe e ka plagosur djalin 23-vjeçar. Plaga është shkaktuar në këmbë. Viktima e ka marrë ndihmën e parë dhe tani ai është në spitalin e Ferizajt, ku sipas mjekëve dhe gjendja e tij është jashtë rrezikut për jetë”, ka thënë Gashi.

Tutje, ai ka bërë të ditur se i dyshuari është arrestuar, ku gjatë aksionit është konfiskuar edhe arma. /reporteri.net