Konfuzioni në Procesin e Bërdo-Brijunit, nga e cila supozohej të miratohej një deklaratë e përbashkët mes Kroacisë e Sllovenisë me gjashtë vendet e Ballkanit Perëndimor, kësaj here erdhi si rrjedhojë e mospajtimit për një pjesë të formulimit në deklaratën e hartuar, shkruan gazeta online Reporteri.net.

Kroacia dhe Bosnje-Hercegovina nuk u pajtuan rreth një formulimi të njërës pikë, dhe për shkak të kësaj, u miratuan vetëm disa konkluzione në vend të një deklarate të përbashkët.

“Përfaqësimi legjitim i popujve përbërës (konstituitiv) në të gjitha nivelet e qeverisë së Bosnje-Hercegovinës është çelësi i stabilitetit të shtetit, si dhe përkushtim i sinqertë i të gjithë liderëve politikë në procesin e reformave elektorale në përputhje me standardet e BE-së”, shkruhej në deklaratën e propozuar.

Reklamë

Jozyrtarisht u mësua se Bosnje-Hercegovina, përkatësisht dy Anëtarët e Presidencës së BeH-së, Zheljko Komshiç dhe Shefik Xhaferoviç, nuk u pajtuan me përfshirjen e kësaj pike.

Në konferencë për shtyp, presidenti kroat, Zoran Millanoviç u shpreh se “disa njerëzëve thjesht u pengon t’ua përmendshën konceoptin e tri kombeve konstituitive”.

Kjo pasi çështja e ndryshimit të Ligjit Zgjedhor në Bosnje-Hercegovinë, ku kroatët kërkojnë ekskluzivitet në votimin e Anëtarit Kroat të Presidencës, pa u mbivotuar nga boshnjakët.

Një të drejtë të tillë e kanë serbët në entitetin serb të Bosnjes, por jo edhe kroatët në Federatën e Bosnje-Hercegovinës.

Një ndryshim zgjedhor të tillë, boshnjakët e kanë kundërshtuar dhe cilësuar si legalizim të, siç e quajnë ata, “aparteidit zgjedhor”.

Reklamë

“Për mua, për neve, për shumë, kjo duket standard minimal”, tha presidenti kroat.

“Propozimi im i para disa ditëve, në përgatitje të këtij takimi, ishte të përmendeshin konstituentët e popullit të BeH-së në dokument”, tha Millanoviç, derisa shtoi edhe se ai propozim u “refuzua menjëherë”.

Në vend të një deklarate të përbashkët u miratuan vetëm disa konkluzione.

Përmes atyre konkluzioneve, shtetet anëtare të Procesit, përveç tjerash, i thanë BE-së që zgjerimi është tejet i rëndësishëm dhe si i tillë duhet të përshpejtohet.

Reklamë

BE u ftua që të ndihmojë Ballkanin Perëndimor rreth krizës ekonomike dhe energjetike, si dhe të  zhbëjë regjimin e vizave për Kosovën.

Gjithashtu u ftua që Bosnje-Hercegovinës t’i jepet statusi i vendit kandidat sivjet./Reporteri.net/.