Musliu ironizon me Konjufcën pas problemeve teknike në Kuvend: “Kryetar a e udhëheqim seancën bashkë”

Kuvendi i Kosovës ka shkuar në pushim 15 minuta për shkak të disa problemeve teknike me mikrofonat në sallën plenare.

Deputetja nga radhët e Partisë Demokratike të Kosovës, Ganimete Musliu ka ironizuar duke propozuar që seancën plenare ta udhëheqin bashkë me kryetarin e Kuvendit, pasi vetëm mikrofoni i saj ishte funksional.

“Për të vazhduar me mocionet tjera po ju kërkojë të kthehemi në 12:30 sepse prej përgjegjësve teknik të Kuvendit më njoftojnë që duhet disa rregullime ti bëjnë. Nuk janë duke punuar aktualisht as kartelat as mikrofonat as mikrofoni i foltores”, ka thënë Konjufca.

Deputetja Musliu tha se mikrofoni i saj është duke punuar.

“Mikrofoni jem po bën kryetar. Kryetar a ta udhëheqim bashkë seancën”, u shpreh Musliu.