Në shenjë solidarizimi me 50 jetë të humbura, në dy xhami si pasojë e dy sulmeve terroriste në Zelandë të Re, Bashkësia Islame e Kosovës ka marrë vendim që të premten, kur edhe bëhet një javë nga vrasja të bëhen lutje për viktimat e këtyre sulmeve, transmeton Reporteri.net
Këtë njoftim BIK e ka bërë përmes llogarisë në Facebook ku thuhet se e premtja do t’i kushtohet parimeve të mësimeve islame për ruajtjen e paqes dhe të mirëbesimit.
“Kryesia e Bashkësisë Islame të Kosovës ka marrë vendim që, ditën e premte, 22 mars 2019, në të gjitha xhamitë e Kosovës, hytbeja e xhumasë t’i kushtohet parimeve e mësimeve islame për ruajtjen dhe ndërtimin e paqes, mirëbesimit, respektit ndaj tjetrit dhe bashkëjetesës me etni e besime të tjera” thuhet në njoftim./Reporteri.net
