Në Kuvendin e Kosovës ka nisur seanca për votimin e Qeverisë së re, Kurti 3.
Në sallë janë të pranishëm 116 deputetë, teksa Kurti po paraqet ekspozenë, shkruan Reporteri.net.
Gjatë ekspozesë, ai tha:
“- Do të prodhojmë dronët luftarakë “Made in Kosova”
-Do të punojmë me këdo që shtrin dorën e bashkëpunimit
-Qeveria do të mbrojë dhe zbatojë Kushtetutën dhe ligjet në fuqi në çdo cep të vendit”.
Më pas do të prezantojë para deputetëve emrat e anëtarëve të kabinetit të tij.
Për miratimin e qeverisë, Kurti ka nevojë për votën e shumicës së deputetëve të Kuvendit, që do të thotë së paku 61 vota.
Gjatë ditës së sotme u konstituua legjislatura e re e Kuvendit, duke i hapur rrugë procesit të votimit të qeverisë. Kryetare e Kuvendit u zgjodh Albulena Haxhiu nga Vetëvendosje, me 66 vota, ndërsa u zgjodhën edhe pesë nënkryetarë të tjerë.
Me këtë hap, Kuvendi është gati të vazhdojë me procedurat për formimin e ekzekutivit të ri./Reporteri.net/
