AAK kandidon një grua për kryetare të Drenasit

Arta Ahmeti-Xhylani do të jetë kandidate e AAK-së për kryetare të Komunës së Drenasit.


Këtë e ka bërë të ditur kreu i AAK-së, Ramush Haradinaj.

Ai ka thënë se Arta Ahmeti-Xhylani është një grua dhe një nënë e suksesshme, juriste me profesion dhe me përvojë pune në institucione shtetërore e gjithashtu edhe në ndërmarrësi.

Shkrimi i plotë:

Arta Ahmeti-Xhylani është kandidate e Aleancës për kryetare të komunës së Drenasit.
Një

Arta ka udhëhequr degën tonë në Drenas, duke u bërë e para kryetare e degës së një partie politike e po ashtu edhe kandidatja e parë grua për kreun e komunës në historinë politike të Drenasit.

Fryma, vullneti e përkushtimi i Artës dhe ekipit të saj që kandidojnë për Kuvendin Komunal, më bën të besoj në suksesin tonë në garën për Drenasin.

Programi i Aleancës për qeverisje me qytetarët, për përkrahje të bizneseve të vogla e të mesme në Drenas si dhe zgjidhja e problemit të ujit të pijshëm dhe kanalizimit, në mes tjerash, janë arsye e fortë se pse Arta dhe ekipi i saj janë meritorët për udhëheqjen e kësaj komune.
Suksese e Fitore!
RH