Në Aleancën për Ardhmërinë e Kosovës për dikë punët mund të jenë shumë mirë, në veçanti për ministrat deh deputetë, por jo edhe për një pjesë tjetër të anëtarësisë nëpër degë. Dhe kjo krejt shkaku i punësimeve në institucionet publike.
Reporteri.net merr vesh se shumë degë të partisë së kryeministrit aktual të Kosovës, kanë shprehur mllefin e tyre me punësimet e vetëm familjarëve të zyrtarëve të lartë.
“Nga shumë degë ka pakënaqësi që punësimet në parti po bëhen vetëm në baza familjare. Pra aktivistët, anëtarësia është lënë tërësisht anash. Ata po e mbajmë barrën e familjeve të deputetëve dhe zyrtarëve tjerë, të cilët përveç vetës interesohen vetëm edhe për familjet e tyre”, ka thënë një zyrtar i lartë i kësaj partie.
Për këto pakënaqësi, siç thotë ai, janë njoftuar edhe krerët e lartë të AAK-së.
Në shumë prej degëve, pakënaqësitë madje janë shprehur publikisht në forma të ndryshme. Sipas zyrtarëve të AAK-së, disa prej përfaqësuesve të degëve kanë dërguar edhe letra. /Reporteri.net/