Vatikani ka emëruar Nunc Apostolik në Slloveni Arqipeshkvin Jean-Marie Speich si delegat për Kosovën.

Lajmin për këtë e ka dhënë zëvendësministri i jashtëm Anton Berisha.

Ai ka uruar këtë emërim, duke vlerësuar si një mundësit të mirë për të vazhduar bashkëpunimin mes Kosovës dhe të selisë së Shenjtë.

Ky është njoftimi i Berishës në facebook:

PAPA FRANÇESKU KA EMËRUAR ARQIPESHKVIN JEAN-MARIE SPEICH DELEGAT APOSTOLIK PËR KOSOVËN

Me rastin e emërimit nga Papa Françesku, të Nuncit Apostolik në Slloveni, Arqipeshkvi Jean-Marie SPEICH, që njëkohësisht është Delegati Apostolik i Selisë së Shenjtë për Kosovën, në cilësinë e përfaqësuesit të qeverisë së Kosovës për Selinë e Shenjtë, i kam uruar Nuncit të ri, emërimin duke dëshiruar punë të mbarë dhe të suksesshme.

Duke qenë se Selia e Shenjtë dhe Kosova, ashtu siç e ka theksuar Sekretari i Shtetit, Eminenca e Tij, Kardinali Parolini drejtuar kryeministrit të Republikës së Kosovës, z. Haradinaj, janë në zhvillimin e dialogut të ndërsjellë, emërimi i Arqipeshkvit SPEICH do të jetë një mundësi e shkëlqyeshme për të vazhduar aranzhimet konkrete që janë bërë në këtë periudhë.