Mbi vendin tonë edhe të premten do të mbajë mot i ftohtë, kurse mëngjesi do të jetë me ngrica dhe mjegull.

Sipas Institutit Hidrometeorologjik të Kosovës, vendi ynë ndodhet nën ndikimin e fushave të fuqishme anticiklonike.

Kjo situatë barike të premten do të kushtëzojë mot relativisht të qetë. Mëngjesi do të jetë i ftohët, me ngrica dhe me mjegull.

Temperaturat minimale parashihen të lëvizin ndërmjet -8 deri -4 gradë Celsius, ndërsa maksimalet e ditës parashihen të lëvizin ndërmjet 2-3 gradë Celsius.

Do të fryjë erë kryesisht nga drejtimi i verilindjes.