Pas vrasjes së djeshme, kërkohet mbyllja e kazinove në Suharekë

Kryetari i Komunës së Suharekës, Bali Muharremaj, përmes një postimi në Facebook ka treguar se sot ka dhënë urdhër për Drejtorinë e Inspekcionit dhe po ashtu ka kërkuar mbështetjen e Policisë në Suharekë, për një operacion verifikimi në të gjitha objektet ku zhvillohen lojërat e fatit.

Madje, ai ka kërkuar në emër të qytetarëve që kazinotë të mbyllen në këtë komunë, shkruan Reporteri.net.

“Në emër të qytetarëve të Komunës së Suharekës, kërkoj nga institucionet përkatëse që të marrin të gjitha veprimet e nevojshme ligjore për mbylljen e kazinove në Komunën e Suharekës”, ka shkruar Muharremaj.

Ky reagim i Muharremajt vije pas vrasjes që ndodhi dje në një kazino të kësaj komune, ku një punojnjës u qëllua nga një grabitës.

E grabitësi, sipas informacioneve që zbuloi Reporteri e më pas konfirmoi Policia, dyshohet të jetë zyrtar policor./Reporteri.net