Partia Demokratike e Kosovës i ka kërkuar Qeverisë së Kosovës të miratojë Ligjin për Paga, shkruan Reporteri.net.
Deputeti, Bekim Haxhiu në debatin parlamentar për pagat në sektorin publik, tha se ekzekutivi duhet të planifikojë përfshirjen e Projektligjit për paga në buxhetin e vitit 2022.
“Sot po kërkojmë nga ju që të zbatoni atë që e premtuat dhe këto kokëdhimbje të punëtorëve shëndetësor, të policëve, zjarrfikësve, ushtarëve dhe shërbyesve civil të ndalen me veprime konkrete të qeverisë. Ka qenë e lehtë të kritikoni punën e të tjerëve, por tani si qeveritar nuk iu pengon askush dhe keni votat dhe mbështetjen e opozitës të bëni veprimet e duhura në këtë sektor, të miratoni ligjin”, tha ai.
Ai ka kritikuar Qeverinë Kurti se po i ikë të gjitha obligimeve kushtetuese.
Edhe deputeti Mërgim Lushtaku, në thirrjen e tij në Kuvendin e Kosovës, tha se “Qeveria duhet ta miratojë këtë ligj sa më parë”.