Përplasje të ashpra në Komision: Thaçi nuk përgjigjet, bën veç pyetje

Mbledhja e Komisionit Hetimor Parlamentar lidhur me dëbimin e gjashtë shtetasve turq nga Kosova, ku i ftuar për dëshmi ishte presidenti Hashim Thaçi, ka kaluar në përplasje rreth anëtarëve të Komisionit dhe presidentit.


Presidenti Thaçi ka kërkuar nga Komisioni që të japin detaje lidhur me ekspertin ndërkombëtar që ka angazhuar Komisioni, duke u thirrur në të drejtën për të ditur para kujt po flet, shkruan Reporteri.net.

Sipas Thaçit, nuk mund të flas detaje që mund të jenë të ndjeshme pa e ditur se kush do t’i lexojë, duke potencuar se nuk e di kush është eksperti.

Ndërkohë, kryetari i Komisionit Xhelal Sveçla i ka thënë presidentit se këtu është për t’u përgjigjur e jo për të bërë pyetje.

Mirëpo, presidenti Thaçi sërish ka thënë në fund se do të fliste me shumë vullnet, por këtë nuk do ta bënte para se të qartësohet si u angazhua eksperti ndërkombëtar./Reporteri.net