Policia rajonale e Gjakovës ka konfirmuar vrasjen e një personi dhe plagosjen e një tjetri në fshatin Marmull. Sipas policisë i dyshuari dhe viktima janë nga i njëjti fshat.
“Nga vendi i ngjarjes, patrullat policore raportojnë së një i dyshuar (i njohur për policinë) ka shtënë me armë automatike në drejtim të dy meshkujve. Njësitet policore janë duke kryer procedurat e shikimit të vendit të ngjarjes dhe janë vënë në kërkim të të dyshuarit”, thuhet në njoftimin e policisë.
Policia thotë se lidhur me të rejat rreth rastit do ta njoftojë opinionin me kohë.
Kujtojmë se Reporteri.net net ka mësuar se personi i vrarë është me inicialet T.B. nga fshati ku ka ndodhur vrasja.
Burimet e portalit tregojnë se i dyshuari për këtë vrasje është larguar nga vendi i ngjarjes, pasi ka kryer krimin. Megjithatë i njëjti ka arritur të identifikohet nga Policia, e cila është vënë në ndjekje të tij,
/Reporteri.net/