Policia publikon pamjet e arrestimit pas të shtënave me armë në Kodrën e Diellit

Policia e Kosovës ka publikuar pamjet e arrestimit pas të shtënave me armë zjarri në Kodrën e Diellit.

Një person është lënduar si pasojë e një përleshjeje fizike mes disa personave.

Gjuajtje me armë zjarri në Prishtinë

“Sot rreth orës 15:00 është raportuar për një gjuajtje me armë zjarri në lagjen Kodra e Diellit, në Prishtinë. Menjëherë pas marrjes së informatës policia ka dalë në vendin e ngjarjes dhe ka nisur hetimet lidhur me rrethanat që karakterizojnë rastin. Bazuar në të dhënat fillestare, në këtë rast një person është lënduar, dyshohet nga përleshja fizike”, ka thënë për Reporteri.net Flora Ahmeti, zëdhënëse e Policisë për Rajonin e Prishtinës.

Sipas saj, lidhur me këtë rast, deri tani janë identifikuar katër persona të dyshuar dhe të njëjtit janë arrestuar nga ana e policisë.

Aktualisht hetuesit policor kanë nisur një hetim për sqarimin e të gjitha rrethanave që lidhen me rastin.