Presidentja e Republikës së Kosovës, Vjosa Osmani ka dekretuar Mentor Latifin, ambasador në Konfederatën Zvicerane. 

Gazeta Online Reporteri.net, ka siguruar dekretin e nënshkruar nga presidentja Osmani më datën 21 dhjetor.

“z.Mentor Latifi emërohet Shef i Misionit/Ambasador i Republikës së Kosovës në Konfederatën e Zvicrës, me seli në Bern.”, thuhet në dekret.

Tutje, në dekret thuhet se ngarkohet Ministria e Punëve të Jashtme dhe Diasporës që të ndërmarrë të  gjitha veprimet e nevojshme për zbatimin e këtij dekreti.

Latifi do ta zëvendësojë Sami Ukellin, i cili deri më tani ka qenë ambasador i Kosovës në Zvicër. /Reporteri.net/