Kryeministri i Kosovës, Albin Kurti sot në seancën e Kuvendit të Kosovës tha se qysh nga fillimi i mandatit të tij është zotuar se do ta riformatojë procesin e dialogut, pra siç tha ai të jetë një dialog i barabartë, shkruan Gazeta Online Reporteri.net.

Kreu i Qeverisë se që nga fillimi i dialogut mes Kosovës dhe Serbisë, pra normalizimi i plotë i marrëdhënieve sipas Kurtit është pjesë e premtimeve me shkrim, ani pse ai u shpreh se “tuneli është ende i gjatë, por edhe kësaj po i vie fundi”.

Kurti para deputetëve në Kuvendin e Kosovës tha se aletatët ndërkombëtare kanë vendosur kornizë me kushte strikte, si për Kosovën, poashtu edhe për Serbinë, që Ballkani Perëndimet të ketë sigurië kolektive dhe paqe të qëndrueshme.

“Për herë të parë që nga fillimi i dialogut ndërmjet Kosovës dhe Serbisë, normalizimi i plotë nuk është pjesë e premtimeve verbale, por i atyre me shkrim. Tuneli është ende i gjatë, por unë besoj që atij po i vie fundi. Kontineti ynë është në luftë, dhe askush se di çfarë sjell e ardhmja dhe deri ku mund të shkoj kriza botërore. Aleatët tanë kanë vendosur një kornizë me kushte strikte ndaj nesh e Serbisë, qe t’i lëmë anash dallimet, për t’i ndihmuar strategjikisht interesit te tyre për një siguri kolektive dhe paqe të qëndrueshme me Ballkanin Perëndimor, e cila është në linjë me vlerat e NATO-s”, tha Kryeministri Kurti, shkruan Gazeta Online Reporteri.net.

Por, Kurti nuk ka shpresë se Serbia do jetë pjesë e Bashkimit Evropian, ani pse këta të fundit siç thotë ai po mundohen ta sjellin aty.

“Aleatët tanë duan ta sjellin Serbinë drejt Evropës, por a do ta arrijnë s’kam shpresë. Marrëveshja bazë përmban vetem 11 nene dhe një preambulë dhe aneksi shton 12 pikë të tjera. Ia vlente mundimi pasi arritëm diçka të rëndësishme dhe të pakthyeshme. Marrëveshja bazë konfirmon se marrëdhëniet ndërkombëtare të Kosovës zhvillohen në bazë të kartës së OKB-së. Serbia ka pranuar ta trajtoj Kosovën si anëtare të barabartë të bashkësisë ndërkombëtare. Është zotuar të mos kërcënoje me forcën, por une ende nuk do t’i besoja Serbisë për këtë. Ajo nuk mund të pretendoj se përfaqëson shtetin tonë ndërkombtarisht, apo atë çfarë ndodh brenda. Ne të dy do të duhej të jemi të perkushtuar të zhvillojme marrëdhenie normale. Serbia i ka pranuar të gjitha këto e që është njohje defakto, me një status të pakthyer tashmë pasi BE-ja dhe SHBA-ja janë garantor për të. Serbia duhet të mos kundërshtoj anëtarësimin në asnjë organizatë ndërkombëtare, duhet të ketë njohje reciproke të dokumenteve dhe simboleve tona”, tha Kurti./Reporteri.net/