PSHDK, pas disa vitesh bashkëpunim me AAK-në në Gjakovë, në zgjedhjet e 14 tetorit do të garojnë me kandidatin e tyre për kryetar të kësaj komune.

Drejtori për Zhvillim Ekonomik në Komunën e Gjakovës, Ferdinand Kolaj, ka paraqitur kandidaturën e tij për kryetar të kësaj komune, shkruan Reporteri.net.

Kjo është hera e parë që PSHDK garon e vetme në zgjedhje lokale në Gjakovë. Në vitet e fundit kjo partie për kryetar komune ka mbështetur AAK-në.

Elektorati i PSHDK-së në Gjakovë shihet si përcaktues në rezultatin zgjedhor të kësaj komune, në garën për kryetar dhe tradicionalisht kanë mbështetur AAK-në në Gjakovë.

Kandidati i kësaj partie për kryetar të Gjakovës, Ferdinad Kolaj, aktualisht është drejtor për Zhvillim Ekonomik në këtë komunë, nga marrëveshja për bashkëqeverisje lokale e zgjedhjeve të kaluara mes AAK-së dhe PSHDK-së, dhe performanca e tij është vlerësuar e suksesshme.

Ndryshe, partitë politike kanë afat deri sot në ora 16:00 për t’i paraqitur kandidaturat e tyre në KQZ. /Reporteri.net/.