Qeveria e Kosovës thotë se duke luftuar korrupsionin në kufi, ka ndaluar futjen e mallrave të kontrabanduara që pasurojnë kriminelët, grupet e individët e lidhur me ta, që dëmtojnë buxhetin duke i ikur tatimit dhe dëmtojnë bizneset duke prishur konkurrencën, shkruan Reporteri.net.
“Të hyrat nga Dogana e Kosovës janë 1.37 miliardë euro apo 320 milionë më shumë se vitin e kaluar”, thuhet në njoftim.
Sipas Qeverisë, kjo është bërë pa ndryshime në politika fiskale.
Sa i përket vlerave të mallrave të konfiskuara, sipas Qeverisë së Kosovës, në vitin 2020 ishte 4.360.809 euro ndërsa më 2021 9.096.050 euro.
Ndërkaq, sa i përket sasisë, në vitin 2020 thuhet të kenë qenë 113 raste ndërsa në vitin 2021 264.