Zyra për media e Kuvendit të Kosovës njofton se është caktuar për të martën (12 mars), seanca e jashtëzakonshme me pikë të vetme të rendit të ditës, me temën “debat parlamentar lidhur me vendimet e Qeverisë së Kosovës për ndarjen e mjeteve financiare nga shpenzimet e paparashikuara”.

Kjo seancë ishte kërkuar nga partitë opozitare, LDK, Vetëvendosje dhe Alternativa. Bashkë me një seancë tjetër të jashtëzakonshme, atë të thirrur “lidhur me bllokimin e KQZ-së nga ana e Presidentit të Kosovës”, ishin planifikuar që të mbaheshin më 5 përkatësisht më 6 mars, trasnmeton Reporteri.net.

Për shkak të Epopesë së UÇK-së që mbahet me 5, 6 dhe me 7 mars, të dyja ishin shtyrë për 12, përkatësisht për 13 mars. / Reporteri.net/